الماتى-سەۋل رەيسىندە شۋ شىعارعان بويجەتكەن پوليتسياعا تاپسىرىلدى

الماتى. قازاقپارات - الماتى-سەۋل باعىتىنداعى ك س 960 رەيسىندە شۋ شىعارعان بويجەتكەن پوليتسياعا تابىستالدى، دەپ حابارلايدى قازاقپارات ءتىلشىسى «ەير استانا» اۋە كومپانياسىنىڭ كورپوراتيۆتى كوممۋنيكاتسيالار دەپارتامەنتىنە سىلتەمە جاساپ.

اتالعان ۆيدەو الەۋمەتتىك جەلىلەردەگى پابليكتەردە تارالىپ كەتتى.

بەينەكادردا بويجەتكەن بورتسەرىكتى بالاعاتتاپ جاتقانى تۇسىرىلگەن. «ەير استانا» اتالعان دەرەككە بايلانىستى تۇسىنىكتەمە بەردى.

«19-20- قىركۇيەك ارالىعىندا 6 ادام بورتسەرىكتى بالاعاتتاپ، ولاردىڭ تىكەلەي مىندەتىن اتقارۋىنا كەدەرگى كەلتىردى. بورتسەرىك جاستارعا الكوگولدى ىشىمدىك بەرۋدەن باس تارتقان. جولاۋشى جول بويى بورتسەرىككە بىلاپىت ءسوز ايتىپ، قورقىتىپ كەلدى. بويجەتكەن الماتى اۋەجايىنا جەتكىزىلگەن سوڭ پوليتسيا قىزمەتكەرلەرىنە تاپسىرىلدى»، - دەدى اۋە كومپانياسىنان.