جاستاردىڭ ءبىلىم ىزدەپ شەتەلگە كەتپەۋى ءۇشىن جۇمىس ىستەپ جاتىرمىز - ب ع م
«2017-2018 وقۋ جىلىندا 139316 تۇلەك مەكتەپ بىتىرگەن. ونىڭ 69 پايىزى نەمەسە 96 مىڭعا جۋىعى ۇ ب ت- عا قاتىسسا، قالعان 31 پايىزى نەمەسە 43 مىڭ بالا تەستىلەۋگە قاتىسپادى. ۇ ب ت تاپسىرعانداردىڭ 87 پايىزى، ياعني 84217 تۇلەك قازاقستان ج و و- لارىنا قابىلداندى. رەسپۋبليكا كوللەدجدەرىنە 26990 بالا ءتۇستى»، - دەدى ۆيتسە-مينيستر «نۇر وتان» پارتياسى ورتالىق اپپاراتىندا وتكەن جاستاردى قولداۋ تۋرالى كوميسسيا وتىرىسىندا.
اكىمدىكتەر تاراپىنان قوسىمشا 1919 گرانت بولىنگەن. بۇل دا تۇلەكتەردىڭ وزگە ەلگە اتتانباي، ەلدە قالۋىنا سەپتىگىن تيگىزبەك.
«ياعني، وڭىردەگى اكىمدىكتەر قوسىمشا گرانت ءبولۋ ارقىلى تۇلەكتەردىڭ شەتەلگە كەتۋىنىڭ الدىن الۋدا. پرەزيدەنت تاپسىرماسىمەن مەملەكەتتىك ءبىلىم بەرۋ تاپسىرىسىن 20 مىڭعا كوبەيتتىك. ايتسە دە، شەتەلگە كەتكەن ستۋدەنتتەردىڭ ءتىزىمى بار. اتاپ ايتقاندا، رەسەي فەدەراتسياسىنىڭ ج و و- لارىنا 8 مىڭ قازاقستاندىق قابىلدانعان، ونىڭ 5197 ءسى رەسەيدىڭ ءبىلىم گرانتىمەن وقىپ جاتىر، قالعان 2808 ءى اقىلى نەگىزدە. 598 قازاقستاندىق ابيتۋريەنت رەسەي كوللەدجدەرىنە تۇسكەن. ودان بولەك، 3 مىڭعا جۋىق قازاقستاندىق الىس-جاقىن شەتەلدەرگە وقۋعا كەتكەن»، - دەدى ب. اسىلوۆا.
ونىڭ ايتۋىنشا، جاستاردى ەلدە قالدىرۋ ءۇشىن مەملەكەتتىك ءبىلىم گرانتىن كوبەيتۋ مەن ستۋدەنتتەردىڭ جايلى ءومىر سۇرۋىنە جاعداي جاساۋدان بولەك، ءبىلىم ساپاسىن جاقسارتۋعا دا نازار اۋدارعان ءجون.
«مينيسترلىك تە، ۋنيۆەرسيتەتتەر دە بۇل باعىتتا جۇمىس ىستەپ جاتىر. بىرىنشىدەن، «اتامەكەن» كاسىپكەرلەر پالاتاسى ماماندىقتار بويىنشا ج و و- لار رەيتينگىن جاسادى. جىل سوڭىنا دەيىن تاعى قوسىمشا ماماندىقتار بويىنشا ءتىزىم جاريالانادى. بولاشاق ابيتۋريەنتتەر مەن ستۋدەنتتەر وسى رەيتينگتى قاراپ، ەڭ ۇزدىك قازاقستاندىق ج و و- لاردى تاڭداي الادى»، - دەدى بيبىگۇل اسىلوۆا.
