دانيار اقىشەۆ تەڭگەنىڭ السىرەۋ سەبەپتەرىن ايتتى

الماتى. قازاقپارات - ۇلتتىق بانك باسشىسى دانيار اقىشەۆ تەڭگەنىڭ السىرەۋ سەبەپتەرىن ايتىپ بەردى، دەپ حابارلايدى قازاقپارات ءتىلشىسى.

«تەڭگەنىڭ قۇلدىراۋى - ەڭ الدىمەن سىرتقى فاكتورلاردىڭ اسەرى. ءبىرىنشى كەزەكتە، دامۋشى ەلدەر ۆاليۋتاسىنىڭ ا ق ش دوللارىنا قاتىستى باعامى السىرەپ بارادى. بۇگىندە ا ق ش ف ر ج (فەدەرالدى رەزەرۆ جۇيەسى) بۇل ساياساتتى جالعاستىرىپ وتىر. ءبىز دامىعان ەلدەردىڭ ستاتيستيكاسىن جۇيەلى تۇردە جۇرگىزىپ كەلەمىز. جىل باسىنان بەرى ءبىزدىڭ تاۋار نارىعىندا بەلسەندىلىك كورسەتىپ وتىرعان ەلدەردىڭ ۇلتتىق ۆاليۋتالارىنىڭ قۇنى تومەندەگەن. اتاپ ايتقاندا تۇركيا ۆاليۋتاسى - %62 عا، ۇندىستاندىكى -%14، قىتايدىكى - %6  عا قۇلدىرادى. سونداي-اق، دوللارعا شاققانداعى ۇلتتىق ۆاليۋتا باعامى تەك دامۋشى ەلدەردە عانا ەمەس، دامىعان مەملەكەتتەردە دە قۇلدىراي تۇسكەن: اۆستراليادا - %8، جاڭا زەلانديادا - %6، كانادادا - %3 عا دەيىن السىرەدى»، - دەدى دانيار اقىشەۆ.

تەڭگەنىڭ قۇلدىراۋىنا انتيرەسەيلىك سانكسيا ساياساتى اسەر ەتىپ وتىر. سونداي-اق، ۇلتتىق بانك باسشىسى قازاقستاندىقتاردى تەڭگە قۇبىلۋى كەزىندە قاراجاتتى باسقا ۆاليۋتاعا ايىرباستاماۋعا شاقىردى.