ت م د سامميتىن وتكىزۋگە سەبەپ كوپ - ساراپشى سالتىبايەۆ
ق ر تۇڭعىش پرەزيدەنتى - ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ ديرەكتورى ەرجان سالتىبايەۆتىڭ ايتۋىنشا، ت م د ەكونوميكادان باستاپ گەوساياساتقا دەيىن بارلىق ماسەلەلەردى تالقىلاۋ ءۇشىن وتە ىڭعايلى فورمات.
«بۇعان دەيىن «ت م د السىرەپ بارادى، اتالعان ۇيىم تەك بۇرىڭعى ك س ر و ەلدەرىن اجىراتۋدىڭ وركەنيەتتى جولى عانا» دەگەن سياقتى اڭگىمەلەر بولعان. الايدا ت م د قۇرىلعالى بەرى 27 جىل ءوتتى. دەگەنمەن، اتالعان فورمات جۇمىس ىستەپ تۇر. دەمەك، وعان سۇرانىس بار. ال سۇرانىس بار بولسا، وعان قاتىساتىن مەملەكەتتەر ءوز پايداسىن كورىپ وتىر»، - دەدى ە. سالتىبايەۆ قازاقپارات تىلشىسىنە بەرگەن سۇحباتىندا.
ساراپشىنىڭ سوزىنە قاراعاندا، ت م د كەڭەسى قاتىسۋشى مەملەكەتتەردى ءوز شەشىمدەرىن ورىنداۋعا مىندەتتەمەيدى. بارلىعى كونسەنسۋس نەگىزىندە قارالادى.
«ونى «پرەزيدەنتتەر دەڭگەيىندەگى ديالوگ» دەپ اتاۋعا بولادى. سونىڭ ارقاسىندا ۇنەمى بايلانىس ۇستاپ، كۇندەلىكتى ماسەلەلەر بويىنشا شۇعىل شەشىم قابىلداۋعا مۇمكىندىك بار. ول جاعىنان ت م د ءوز فۋنكسياسىن تولىعىمەن ورىنداپ وتىر. سوسىن ت م د- عا مۇشە كەيبىر ەلدەر ەۋرازيالىق ەكونوميكالىق وداققا دا كىرەدى. دەمەك، وداق اياسىنداعى ماسەلەلەردى قاراستىرۋعا دا مۇمكىندىك بار. سوندىقتان بۇل وتە ىڭعايلى فورمات. ال جينالۋعا سەبەپ جەتەرلىك. قازىر گەوساياسي، اسكەري، سانكسيالىق قاۋىپ- قاتەرلەر كوپ. سونىڭ ءبارىن شۇعىل تالقىلاپ وتىرۋ قاجەت. ارينە، پرەزيدەنتتەرگە تەلەفونمەن سويلەسە سالۋعا دا بولاتىن ەدى. دەگەنمەن، وسىنداي جيىنداردا مەملەكەت باسشىلارى «تەت- ا- تەت» كەزدەسىپ، بارلىق ماسەلەلەردى قاراستىرا الادى. مەنىڭشە، ت م د كەڭەسى ءوز فۋنكسياسىن تولىعىمەن ورىنداپ وتىر»، - دەپ اتاپ كورسەتتى ە. سالتىبايەۆ.
اۆتور: ارمان اسقاروۆ
