ءداستۇرلى ب ا ق مەملەكەتتىك ءتىلدىڭ قورعاۋشىسى - نۇرتورە ءجۇسىپ

None
None
استانا. قازاقپارات - قازاق ءسوزىنىڭ قاينارىن ساقتاپ وتىرعان ول - ءداستۇرلى بۇقارالىق اقپارات قۇرالدارى. مۇنداي پىكىردى بۇگىن Astana Media Weeк اياسىندا ءوتىپ جاتقان «وڭىرلىك ب ا ق» فورۋمىندا «ايقىن» گازەتىنىڭ باس رەداكتورى نۇرتورە ءجۇسىپ ءبىلدىردى، دەپ حابارلايدى قازاقپارات ءتىلشىسى.

«ءداستۇرلى بۇقارالىق اقپارات قۇرالدارى گازەتتەر، جۋرنالدار نارىق جاعدايىنا توتەپ بەرە الا ما، ءومىر سۇرە الا ما، بولاشاعى قالاي بولادى دەگەن ماسەلە تۋرالى الەمدە دە، ونىڭ ىشىندە قازاقستاندا دا كوپتەن بەرى اڭگىمە ورىن الىپ جاتىر. كەيبىر ساراپشىلار «گازەت- جۋرنالدار ۋاقىتپەن بىرگە جىلىستاپ شىعا بەرەدى» دەگەندى ايتادى. كەيبىرەۋلەر «گازەتتەردىڭ كۇنى ءبىتتى، ءولدى نە بولماسا جاقىندا جانازاسىن شىعارامىز» دەگەن نيەتتە. قالاي ولتىرمەۋگە بولادى؟»، - دەدى نۇرتورە ءجۇسىپ.

ونىڭ ايتۋىنشا قازاقستاندا وقۋ مادەنيەتى قالىپتاسقان. ال وقۋ مادەنيەتى وتە ۇلكەن قۇندىلىق، ساۋاتتى ادامنىڭ ءىس- ارەكەتى. ادامزات بالاسى وقۋدى دۇنيەتانىمىن كەڭەيتۋ، رۋحاني قازىناسىن كەڭەيتۋ ماقساتىندا ويلاپ تاپقان.

 «ءبىزدىڭ قازىرگى قوعامدا ويلاۋدى قويعان ادامداردىڭ قاتارى كوبەيەتىن سياقتى. ويتكەنى وقۋدى قويعان ادامداردىڭ قاتارى كوبەيدى. گازەت تە، كىتاپ تا وقىلمايدى. سوندا نە ءۇشىن شىعارىپ جاتىرمىز؟ قازاقستاندا جىل سايىن مەملەكەتتىك تاپسىرىسپەن الەۋمەتتىك باعدارلانعان قانشاما كىتاپ شىعادى. سولاردى كىم وقىپ جاتىر؟ «مادەني مۇرا» اياسىندا 100 تومدىق «بابالار ءسوزى» اتتى گالامات ەنتسيكلوپەديالىق ەڭبەك جيناقتالىپ، سورەلەرگە قويىلدى. قازىر بەتىن اشاتىن ادام بار ما؟»، - دەدى ول.

سونىمەن قاتار گازەت باسشىسى قازاقتىلدى باسىلىمداردىڭ مەملەكەتتىك ءتىلدى دامىتۋعا رولىنە ايرىقشا توقتالىپ ءوتتى.

 «قازاق ءسوزىنىڭ قاينارىن ساقتاپ وتىرعان ءداستۇرلى ب ا ق، قازاق ءتىلىن ساقتاپ وتىرعان وسى گازەتتەر مەن جۋرنالدار. ينتەرنەت باسىلىمدارعا، جاڭا مەدياعا مەنىڭ ەشقانداي داۋىم جوق. ءبىراق ول جەردە ءتىلدىڭ شۇبارلانۋى، تىلدىك قورىمىزدىڭ بۇزىلۋى وتە كوپ جانە ونى كۇندەلىكتى كورىپ ءجۇرمىز. ال ءداستۇرلى ب ا ق مەملەكەتتىك ءتىلدىڭ قورعاۋشىسى، بىردەن- ءبىر ساقتاۋشىسى، بىردەن- ءبىر شىراقشىسى دەپ ايتۋعا بولادى. ءداستۇرلى ب ا ق- سىز مەملەكەتتىك ءتىلدىڭ ساقتالۋىن، ودان ارى كەمەلدەنۋىن، دامۋىن كورە المايمىز، كوز الدىمىزعا ەلەستەتە المايمىز»، - دەدى نۇرتورە ءجۇسىپ.

فوتو: ايتجان مۇرتازايەۆ

سوڭعى جاڭالىقتار