ب ۇ ۇ شتاب- پاتەرىندە ساياسي پىكىرسايىس باستالدى
قالىپتاسقان ءداستۇر بويىنشا ءماجىلىستى ۇيىمنىڭ باس حاتشىسى انتونيۋ گۋتەررەش اشتى. پىكىرتالاس باستالماس بۇرىن باس حاتشى ۇيىمنىڭ جۇمىسى جونىندە جىل سايىنعى ەسەبىن بەردى.
ول ءوز سوزىندە الەم ەلدەرى اراسىنداعى قاتىناستار كۇردەلەنىپ، ءوزارا سەنىم ازايعانى، سونداي- اق قاۋىپسىزدىك كەڭەسىندە كەلىسە الماۋشىلىق ۇلعايعانىن اتاپ ءوتتى. كەيىن ەفيوپيا مەن ەريترەيا اراسىنداعى بەيبىت كەلىسىم، ا ق ش پەن سولتۇستىك كورەيا سامميتى، قوس كورەي مەملەكەت باسشىلارىنىڭ كەزدەسۋى، وڭتۇستىك سۋدانداعى ءبىتىم، كولۋمبيادا بەيبىتشىلىكتىڭ ورناۋى مەن ليبەرياداعى ب ۇ ۇ بىتىمگەرلەر جۇمىسىنىڭ اياقتالۋى جانە ميگراتسيا بويىنشا جاھاندىق كەلىسىمنىڭ ماقۇلدانۋىنا رەتىمەن توقتالىپ، جاھانداعى كۇرمەۋلى ماسەلەلەردى بەيبىت جولمەن شەشۋگە بولاتىنىن مەڭزەدى.
دونالد ترامپ، ا ق ش پرەزيدەنتى:
- قول جەتكىزگەن ەرەكشە جەتىستىكتەرىمىز تۋرالى اقپارات ءبولىسۋ ءۇشىن ب ۇ ۇ باس اسسامبلەياسىنىڭ مىنبەسىنە كوتەرىلدىم. ەكى جىلدان از مەرزىمدە ءبىز ەل تاريحىنداعى بۇكىل اكىمشىلىكتەردەن كوپ ەڭبەك اتقاردىق. وسىلاي قابىلدايتىنىڭىزدى كۇتپەپ ەدىم، ءبىراق ءبارى دۇرىس. ا ق ش ەكونوميكاسى بۇرىن- سوڭدى بولماعان قارقىنمەن دامىپ كەلەدى. مەن سايلانعالى بەرى ەكونوميكامىز 10 ميلليارد دوللارعا وسكەن. قارجى نارىقتارى رەكوردتىق كورسەتكىشتەرگە جەتتى، ال جۇمىسسىزدىق سوڭعى 50 جىلداعى ەڭ تومەنگى دەڭگەيدە. قاراناسىلدىلەر، لاتىنامەريكالىقتار مەن ازيالىقتار اراسىنداعى جۇمىسسىزدىق بۇكىل تاريحىمىزداعى ەڭ تومەن دەڭگەيگە جەتتى.
www.24.kz
