ساعىنتايەۆ مەملەكەت باسشىسىنىڭ تاپسىرمالارى جونىندە كەڭەس وتكىزدى
كەڭەس بارىسىندا ورتالىق جانە جەرگىلىكتى مەملەكەتتىك ورگانداردىڭ، كۆازيمەملەكەتتىك سەكتوردىڭ پرەزيدەنت تاپسىرمالارىن ورىنداۋ اياسىنداعى جۇمىستارى جان- جاقتى تالقىلانىپ، تالداندى. پرەمەر- ءمينيستردىڭ ورىنباسارلارىنىڭ، مينيسترلەر مەن وبلىس اكىمدەرىنىڭ باياندامالارى تىڭدالدى.
پرەمەر- ءمينيستردىڭ ورىنباسارى ە. دوسايەۆ ەكونوميكالىق جانە الەۋمەتتىك سالالار جونىندە ءسوز سويلەي وتىرىپ، ق ر پرەزيدەنتىنىڭ ەكونوميكالىق ءوسىمدى كەم دەگەندە %4 دەڭگەيىندە قامتاماسىز ەتۋ، ونەركاسىپ، قۇرىلىس سالالارىن، ەكسپورتتى دامىتۋ، ءىرى ينۆەستيتسيالىق جوبالاردى ىسكە اسىرۋ تۋرالى بەرگەن تاپسىرمالارىن ىسكە اسىرۋ بارىسى جايىندا باياندادى. ءبىلىم بەرۋ، مەديتسينالىق قىزمەتتەردى ۇسىنۋ، ءونىمدى جۇمىسپەن قامتۋ ساپاسىن ودان ءارى ارتتىرۋ، ەكونوميكاعا مەملەكەتتىڭ قاتىسۋ ۇلەسىن قىسقارتۋ جانە جەكەشەلەندىرۋ، كاسىپكەرلىكتى دامىتۋعا توسقاۋىل بولاتىن اكىمشىلىك كەدەرگىلەردى ازايتۋ ماقساتىندا قابىلدانىپ جاتقان شارالار قارالدى.
پرەمەر- ءمينيستردىڭ ورىنباسارى ءو. شوكەيەۆتىڭ بايانداماسىندا اگروونەركاسىپ كەشەنى، جەر ماسەلەلەرى، اۋىلدى جەرلەردە حالىقتى ءونىمدى جۇمىسپەن قامتۋ، سۋمەن قامتاماسىز ەتۋ جانە سۋمەن جابدىقتاۋ ماسەلەلەرى اتالىپ ءوتتى. اتاپ ايتقاندا، 2018 -جىلعى جەر قورىنا تالداۋ جۇرگىزۋ، ءىرى قارا مال ەتىن ءوندىرۋ، وڭدەۋ جانە ەكسپورتتاۋ، اۋىل شارۋاشىلىعى كووپەراتسيالارىن دامىتۋ جاعدايى تالقىلاندى.
پرەمەر- ءمينيستردىڭ ورىنباسارى ا. جۇماعاليەۆ ءوز بايانداماسىندا ەكونوميكا سالالارىن سيفرلاندىرۋ مەن مەملەكەتتىك قىزمەتتەردى اۆتوماتتاندىرۋ جونىندەگى وزەكتى ماسەلەلەردى شەشۋ جولدارى مەن قازىرگى جاعدايمەن تانىستىردى.
كەڭەس قورىتىندىسىن شىعارا وتىرىپ، ق ر پرەمەر- ءمينيسترى باقىتجان ساعىنتايەۆ مينيسترلەر مەن اكىمدەرگە وڭدەۋ سەكتورىنداعى ەڭبەك ونىمدىلىگىنىڭ ءوسىمىن ارتتىرۋدى، يندۋستريالاندىرۋ، ينۆەستيتسيالىق جوبالاردى ىسكە اسىرۋ، نوۋ- حاۋ ترانسفەرىنە ارنالعان بىلىكتىلىك ورتالىقتارىن قۇرۋعا باعدارلانعان «ۇلتتىق چەمپيوندار» باستاماسى اياسىندا مەملەكەتتىك قولداۋدىڭ بارلىق شارالارىنا ەگجەي- تەگجەيلى تالداۋ جۇرگىزۋدى تاپسىردى.
مەملەكەتتىك ورگانداردىڭ ۆەدومستۆوعا قاراستى ۇيىمدارىنىڭ سانىن قىسقارتۋ، شاعىن نەسيە بەرۋگە جانە ارەندالىق، نەسيەلىك تۇرعىن ۇيلەردى سالۋعا بولىنگەن قاراجاتتاردى ۋاقىتىلى يگەرۋ ەسەبىنەن جەكەشەلەندىرۋ پروتسەسىن جانداندىرۋ بويىنشا ءبىرقاتار تاپسىرمالار بەرىلدى.
مەكتەپتەردە، ج و و- لار مەن كوللەدجدەردە مامانداردى دايارلاۋ ساپاسىن ارتتىرۋ، ستۋدەنتتەرگە جاتاقحانالار سالۋ، اپاتتى جانە ءۇش اۋىسىمدى مەكتەپتەردىڭ سانىن قىسقارتۋ جونىندەگى ناقتى جۇيەلىك شارالاردى قابىلداۋ ماسەلەلەرىنە باسا دەن قويىلدى.
