21:37, 26 - قىركۇيەك 2018 | GMT +5
ديزەل وتىنىنا قاتىستى ەشقانداي پروبلەما جوق - قانات بوزىمبايەۆ
استانا. قازاقپارات - ق ر ەنەرگەتيكا ءمينيسترى قانات بوزىمبايەۆ ەلىمىزدە ديزەل وتىنىنا قاتىستى پروبلەمالار بار دەگەن اقپاراتتى راستامادى، دەپ حابارلايدى قازاقپارات.
دەگەنمەن دە مينيستر وتىن باعاسىنىڭ ءوسۋى فاكتىلەرى استانادا نەمەسە رەسەيمەن شەكارالاس وڭىرلەردە بولۋى مۇمكىندىگىن جوققا شىعارمادى.
«ەلىمىز بويىنشا ورتاشا كوتەرمە باعا 188-189 تەڭگە شاماسىندا. كۇن سايىن تاڭەرتەڭ ەل اۋماعىنداعى جانار- جاعارماي قۇيۋ ستانسالارىنان جەدەل اقپاراتتى الىپ وتىرامىز. جوعارى باعا كەزدەسىپ جاتادى، ءبىراق ونىڭ بارلىعى رەسەيدەن يمپورتتالاتىن ديزەلدىك وتىن. جالپى، ەلىمىزدە ديزەل وتىنىمەن قامتاماسىز ەتىلۋگە قاتىستى ەشقانداي پروبلەما جوق. باعا فاكتورى تۇرعىسىندا نارىق قاراشادا تۇراقتانادى دەپ ويلايمىز» ، - دەدى مينيستر پارلامەنت ماجىلىسىندە تىلشىلەر ساۋالىنا جاۋاپ بەرە وتىرىپ.
