مەتسەنات باۋىرجان وسپانوۆ اۋىل حالقىنا مەشىت سالىپ بەردى

تالدىقورعان. قازاقپارات - بەلگىلى مەتسەنات، «ZHERSU» ينۆەستيتسيالىق-وندىرىستىك كورپوراتسياسىنىڭ باقىلاۋ كەڭەسىنىڭ ءتوراعاسى باۋىرجان وسپانوۆ اۋىل حالقىنا مەشىت سالىپ بەردى.

مەشىت الماتى وبلىسىنىڭ الاكول اۋدانىنا قاراستى لەپسى اۋىلىندا بوي كوتەردى، دەپ حابارلايدى قازاقپارات ءتىلشىسى.

150 ادامعا لايىقتالعان جاڭا مەشىتتىڭ اشىلۋىنا «قاسيەتتى قازاقستان» عىلىمي-زەرتتەۋ ورتالىعىنىڭ باسشىسى بەرىك ابدىعاليەۆ، قازاقستان مۇسىلماندارى ءدىني باسقارماسىنىڭ نايب مۋفتي الاۋ ادىلبايەۆ، تالدىقورعان ءوڭىرى بويىنشا وكىل يمام ارداق ءنۇسىپحان ۇلى، الاكول اۋدانىنىڭ قۇرمەتتى ازاماتى مۇقاش بايعاراشوۆ، بەلگىلى مەتسەنات «ZHERSU» ينۆەستيتسيالىق-وندىرىستىك كورپوراتسياسىنىڭ باقىلاۋ كەڭەسىنىڭ ءتوراعاسى باۋىرجان وسپانوۆ جانە الاكولدىك يامامدار مەن تۇرعىندار قاتىستى. جاڭا مەشىتكە ەرمەك ۋتبايەۆ يمام بولىپ تاعايىندالىپ، قۇران وقىدى.