ءادىلحان ەرجانوۆتىڭ جاڭا فيلمى پاريجدە كورسەتىلدى
تۋىندىلار اراسىندا قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاقفيلم» كينوستۋدياسىندا تۇسىرگەن «ريەلتور»، «ۇكىلى كامشات» جانە « ءتۇن قۇدايى» فيلمدەرى دە بار. رەجيسسەر ءادىلحان ەرجانوۆتىڭ ايتۋى بويىنشا، فرانسۋز كورەرمەنى ونىڭ فيلمدەرىنە قىزىعۋشىلىق تانىتقان، كەزەككە تۇرىپ كۇتكەنكەندەر دە بولعان. سونىمەن قاتار، ءتۇرلى كاسىبي كەزدەسۋلەر مەن سۇحباتتار جاساعان.
«فرانتسۋزدار ونەر مەن كينونى برازيليالىقتار فۋتبولدى تۇسىنگەندەي تۇسىنەدى. ولار ءۇشىن ونەر - ۇلتتىق ءداستۇر. سوندىقتان دا كينوداعى اۆانگارد سول جاقتان تارايدى. كينوداعى مودانى كانن مەن فرانتسيا جاسايدى. ول جاقتىڭ كورەرمەنىمەن سويلەسۋدىڭ ءوزى ءبىر عانيبەت. ولار ناعىز سينەفيلدەر رەتىندە قازاق كينوسىندا بولىپ جاتقان دۇنيەلەردەن حاباردار. ولارعا شىنىمەن دە مەنىڭ كينوم قىزىقتى»، - دەدى ەرجانوۆ.
L'ەtrange Festival شيرەك عاسىرعا جۋىق ۋاقىت وتكىزىلىپ كەلەدى. بۇل فەستيۆال «ەرەكشە، قايتالانبايتىن، سيرەك، جوعارى دەڭگەيدەگى» فيلمدەرگە ارنالعان. فەستيۆال باعدارلاماسىندا نەگىزگى بايقاۋ (لارس فون تريەردىڭ «جەك تۇرعىزعان ءۇي» فيلمى كورسەتىلەتىن) مەن قىسقامەتراجدى فيلمدەردىڭ بايقاۋىنان بولەك، بايقاۋدان تىس باعدارلامادا جاپون جاڭا تولقىنىنىڭ فيلمدەرىنىڭ كورسەتىلىمى، اڭىزعا اينالعان Nikkatsu اتتى جاپون ستۋدياسىنىڭ ءفيلمدىرىنىڭ رەتروسپەكتيۆاسى، سونداي- اق «جاڭا تالانتتار»، «دەرەكتى كينو» باعدارلامالارى بار.
Massaget.kz