ەلىمىزدە تۇڭعىش رەت قوشقار چەمپيوناتى وتەدى
«چەمپيوناتتى «ەڭ تۇقىمدى قوشقار»، «ەڭ بويشاڭ ءارى ەڭ سالماقتى قوشقار» سەكىلدى بىرنەشە دارەجە نەگىزىندە وتكىزەمىز. قازاقستاندا اۋىل شارۋاشىلىعى سالاسىنداعى ەڭ بىلىكتى عالىمدار تورەلىك ەتەتىن بولادى. قوشقاردىڭ ءتۇر- سيپاتىنا بايلانىستى باعا بەرىلەدى. ەلىمىزدە ۇساق مال تۇقىمدارىن ارالاستىرىپ، ءىرى قوي- قوشقارلاردى اسىراپ وتىرعان مالشىلار بار. ءاۋ باستا چەمپيوناتتى وبلىستىق دەڭگەيدە وتكىزەمىز دەگەن ەدىك. الايدا، چەمپيوناتتىڭ وتكىزىلەتىنىن ەستىگەن حالىق قازاقستاننىڭ تۇكپىر- تۇكپىرىنەن بىزگە قوڭىراۋ شالىپ، سايىسقا شوپان اتا تۇلىكتەرىن قاتىستىراتىندارىن ايتتى. جۇلدە قورى - 300 مىڭ تەڭگە»، - دەيدى چەمپيوناتتى ۇيىمداستىرۋشى، «قويلىق» الەۋمەتتىك- كاسىپكەرلىك كورپوراتسياسىنىڭ ۇيلەستىرۋشىسى ماقسات كەڭەسوۆ.
چەمپيونات 26- قىركۇيەك كۇنى تالدىقورعان قالاسىنىڭ «ەراسىل» ەتنو- اۋىلىندا، ساعات 14:00-دە باستالادى.
اۆتور: ايان بەكەن ۇلى