قىرعىزستاندا اكىمشىلىك- اۋماقتىق قۇرىلىمدى رەفورمالاۋ جۇرگىزىلەدى
دەپ حابارلايدى قازاقپارات مەنشىكتى ءتىلشىسى قىرعىزستان رەسپۋبليكاسى پرەزيدەنتىنىڭ باسپا ءسوز قىزمەتىنە سىلتەمە جاساپ.
س. جەەنبەكوۆ «قىرعىز رەسپۋبليكاسىنداعى اكىمشىلىك- اۋماقتىق رەفورمالاردى جۇرگىزۋ بويىنشا شارالار تۋرالى» جارلىققا قول قويدى.
اتاپ ايتقاندا، قۇجاتتا «قولدانىلىپ جاتقان اكىمشىلىك- اۋماقتىق رەفورما شارالارى مەملەكەتتىك بيلىكتى ورتالىقسىزداندىرۋعا، جەرگىلىكتى ءوزىن- ءوزى باسقارۋ قىزمەتىن قارجىلاندىرۋدىڭ ءتيىمدى تەتىكتەرىن قۇرۋعا، الەۋمەتتىك- ەكونوميكالىق ماقساتتىلىقتى جانە وڭىرلەردى دامىتۋ ماسەلەلەرىن شەشۋدى ەسكەرە وتىرىپ، شالعايداعى اكىمشىلىك- اۋماقتىق بىرلىكتەردى ۇلكەيتۋگە باعىتتالۋى ءتيىس» دەلىنگەن.
وسىعان بايلانىستى ەلدىڭ ۇكىمەتىنە 2018 -جىلدىڭ قىركۇيەك ايىنىڭ اياعىنا دەيىن اكىمشىلىك- اۋماقتىق رەفورما بويىنشا جۇمىس توبىن قۇرۋ ۇسىنىلدى. 2018 -جىلدىڭ 31 - جەلتوقسانىنا دەيىن جۇمىس توبى قىرعىز رەسپۋبليكاسىنىڭ اكىمشىلىك- اۋماقتىق قۇرىلىمىن رەفورمالاۋدى كەزەڭ- كەزەڭىمەن جۇزەگە اسىرۋ ءۇشىن جول كارتاسىن ازىرلەپ، بەكىتۋى كەرەك.
