ساۋد ارابياسىندا العاش رەت ايەل ادام جاڭالىقتار جۇرگىزۋشىسى بولىپ تاعايىندالدى
ۆيام ەد داحيل كۇنى كەشە العاش رەت جاڭالىقتاردىڭ تىكەلەي ەفيرىنە شىقتى. ول كەشكى جاڭالىقتار تىزگىنىن ومەر ەن نەشۆان ەسىمدى ديكتورمەن بىرگە جۇرگىزىپ ءوتتى.
داحيل ليۆاندىق-امەريكالىق ۋنيۆەرسيتەتتىڭ جۋرناليستيكا فاكۋلتەتىندە وقىپ شىققان. تەلەجۇرگىزۋشىلىك قىزمەتىنە دەيىن باس كەڭسەسى لوندوندا ورنالاسقان «Al-Hayat» باسىلىمىندا، كاتارعا تيەسىلى «ءال دجازيرا» مەن «ءال- اراب» اتتى تەلەارنالارىندا جۇمىس ىستەگەن.
سوڭعى كەزدەرى ساۋد ارابياسىندا ايەلدەر قاۋىمىنىڭ قۇقىقتارىن بارىنشا ۇلعايتۋعا قاتىستى شارالار قولدانۋدا. ەندى بۇل ەلدىڭ ايەلدەرى كولىك ايداپ، وزدىگىنەن فيرمالار اشىپ جانە سپورتتىق الاڭداردا ويىن تاماشالاي الاتىن بولعان.
ساۋد ارابياسى 2030-جىلعا قاراي ايەلدەردىڭ ەڭبەك نارىعىنداعى پايىزىن 22 دان 30 عا دەيىن كوبەيتپەك.
مەملەكەت تاراپىنان بولعان مۇنداي باستامالار جەرگىلىكتى قىز-كەلىنشەكتەرگە ۇناپ جاتقانى ءسوزسىز. ۇزاق جىلدار بويى اسقان تەڭسىزدىككە تاپ بولىپ كەلگەن ايەلدەر ەندى جاڭا ءومىر باستاعانداي بولعاندارىن ايتۋدا.