كيەۆ ماسكەۋمەن جاساسقان دوستىق تۋرالى شارت مەرزىمىن ۇزارتپايدى
استانا. قازاقپارات - ۋكراينا بيلىگى 21 - قىركۇيەك كۇنى رەسەيگە ماسكەۋمەن جاساسقان دوستىق، ىنتىماقتاستىق جانە سەرىكتەستىك تۋرالى شارت مەرزىمىن ۇزارتپايتىنى جونىندە رەسمي تۇردە ەسكەرتەتىنىن مالىمدەدى.
ۋكراينا سىرتقى ىستەر ءمينيسترى پاۆەل كليمكين 19 - قىركۇيەكتە كييەۆ مۇنداي نيەتى تۋرالى ءتيىستى حالىقارالىق ۇيىمدارعا، ونىڭ ىشىندە ب ۇ ۇ- عا دا حابارلايتىنىن مالىمدەدى.
ەكى ەل اراسىنداعى شارتقا 1997 -جىلى 31 - مامىردا 10 -جىل مەرزىمگە قول قويىلعان. شارت 10 جىلدان كەيىن تاراپتار ونىڭ كۇشىن توقتاتۋ شارالارىن قابىلداماعان جاعدايدا وزدىگىنەن تاعى 10 جىل مەرزىمگە ۇزارتىلاتىن بولعان. قۇجات 1999 -جىلى 1 - ساۋىردە كۇشىنە ەنىپ، 2008 -جىلى قازاندا 10 جىلعا ۇزارتىلعان.
قۇجاتتا ستراتەگيالىق ارىپتەستىك ۇستانىمدارى، شەكارالاردىڭ مىزعىماستىعى، تاراپتاردىڭ ءبىر- ءبىرىنىڭ اۋماقتىق تۇتاستىعىن قۇرمەتتەۋى جانە ءوز اۋماعىن ءبىر- ءبىرىنىڭ قاۋىپسىزدىگىنە نۇقسان كەلتىرۋ ماقساتىندا قولدانباۋ قاعيداتتارى ايقىندالعان.
«وسى شارتتى جاساسۋشى تاراپتار تاتۋ دوس، تەڭ قۇقىقتى جانە ەگەمەندى مەملەكەت رەتىندە ءبىر- بىرىنە دەگەن قارىم- قاتىناسىن ءوزارا قۇرمەت پەن سەنىمگە، ستراتەگيالىق ارىپتەستىك پەن ىنتىماقتاستىققا نەگىزدەپ تۇزەدى» دەلىنگەن شارتتىڭ ءبىرىنشى بابىندا.
ۋكراينا سوۆەت وداعىنان 1991 -جىلى 24 - تامىزدا تاۋەلسىزدىگىن جاريالاعان. بۇدان ءتورت ايدان كەيىن س س س ر جوعارعى كەڭەسىنىڭ رەسپۋبليكالار كەڭەسى س س س ر- ءدى تاراتۋ تۋرالى دەكلاراتسيا قابىلداعان.
www.azattyq.org
