13:02, 20 - قىركۇيەك 2018 | GMT +6
ا ق ش: كاليفورنيا شتاتى تاريحىنداعى ەڭ الاپات ءورت
نيۋ- يورك. قازاقپارات - ءورت سوندىرۋشىلەر كاليفورنيانىڭ سولتۇستىگىندە بولعان ورمان ءورتىن تولىقتاي ءسوندىردى.
اتالمىش ءورت بۇل شتاتتىڭ تاريحىنداعى كولەمى جونىنەن ەڭ ۇلكەن اۋماقتى شارپىعان اپات دەپ تانىلدى، دەپ حابارلايدى ت ا س س اگەنتتىگىگى ا ق ش ورمانداردى قورعاۋ فەدەرالدىق قىزمەتىنىڭ وكىلدەرىنە سىلتەمە جاساپ.
ۆەدومتستۆودا مەندوسيونو وكرۋگىمەن اتالعان شىلدە ايىنداعى ءورت 100 پايىزعا سوندىرىلگەنىن جەتكىزدى. جالىن 1,86 مىڭ شارشى مەتر اۋماقتى شارپىعان.
بيلىك وكىلدەرىنىڭ مالىمەتىنشە، ءتىلسىز جاۋ ەكى اي ىشىندە كولۋزا، لەيك پەن مەندوسينو وكرۋگتەرىندەگى 150 دەن استام ءۇي مەن 280 گە جۋىق قۇرىلىستىڭ كوزىن جويعان. ءورتتىڭ سالدارىنان بىرنەشە مىڭ ادامدى ەۆاكۋاتسيالاۋعا تۋرا كەلگەن. بۇگىندە تۇرعىنداردىڭ كوپشىلىگى ۇيلەرىنە قايتقان. ءتىلسىز جاۋدى ءسوندىرۋ كەزىندە ءبىر قۇتقارۋشى قازا تاپتى. ءورتتىڭ باستالۋ سەبەپتەرى ءالى انىقتالماعان.
