قازاقستان وسكارعا ۇسىنعان «ايكا» فيلمى نەگە وتپەي قالدى؟
ءمينيستردىڭ اتاپ وتۋىنشە، «ايكا» كوركەم فيلمىنىڭ رەجيسسەرى سەرگەي دۆورتسيەۆوي قازاقستاندا تۋىپ وسكەن، الايدا كەيىن رەسەي ازاماتتىعىن العان.
«فيلمنىڭ باستى پروديۋسەرلەرىنىڭ ءبىرى - ول قازاقستاننىڭ ازاماتتىعى بار گۇلنار سارسەنوۆا، سونىمەن قاتار باستى رولدە سامال ەسلياموۆا وينادى. ياعني وسى تۋىندىنى قازاقستاندىق دەپ ايتا الامىز. ءبىز فيلمدى وسكار سىيلىعىنا ۇسىنعان كەزدە، ءبىزدىڭ ءوتىنىم وتپەي قالدى»، - دەدى ا. مۇحامەدي ۇلى.
ونىڭ تۇسىندىرۋىنشە، بۇل ماسەلەدە حالىقارالىق تالاپتار ءوز ىقپال تيگىزگەن، ياعني فيلمدەگى اكتەرلاردىڭ 50 پايىزدان كوبى ءوندىرۋشى ەلدىڭ ازاماتتىعىندا بولۋى ءتيىس.
«وسى ورايدا تالاپتاردى سارالاعان كەزدە، دۆورتسيەۆوي قازاقستان ازاماتى ەمەس ەكەنى كورسەتىلدى جانە قالعاندارى فيلمدەگى ىلەسپە اكتەرلەر. وندا تەك گۇلنار سارسەنوۆا مەن سامال ەسلياموۆا قازاقستان ازاماتتارى. بۇل رەتتە اتالعان نورمانى ەسكەرە وتىرىپ، ءبىزدىڭ وتىنىمگە قولداۋ جاسالمادى. حالىقارالىق نورما بولعاندىقتان، ونى بىزگە ۇستانۋ كەرەك»، - دەدى مينيستر.
بۇدان بۇرىن حابارلانعانداي، بۇگىن پارلامەنت ءماجىلىسىنىڭ جالپى وتىرىسىندا «كينەماتوگرافيا تۋرالى» زاڭ جوباسى ءبىرىنشى وقىلىمدا ماقۇلداندى.
زاڭ جوباسىن تانىستىرۋ بارىسىندا ارىستانبەك مۇحامەدي ۇلى قازاقستاندا جۇمىس ىستەۋگە نيەتتى ءىرى كينوكومپانيالاردى اتادى.
سونىمەن قاتار مينيستر فيلمدەردى قازاق تىلىنە اۋدارۋدىڭ ءۇش نۇسقاسىن ۇسىندى.
