مىسىردا تاعى ءبىر سفينكس تابىلدى

 استانا. قازاقپارات - ارحەولوگتار مىسىر وڭتۇستىگىندەگى كوم- ومبو عيباداتحاناسىن جەر استى سۋلارىنان تازارتىپ جاتقاندا دەنەسى جانۋارعا، باسى ادامدىكىنە ۇقسايتىن سفينكس تاپتى.

 بۇل تۋرالى مىسىر كونە جادىگەرلەر مينيسترلىگى حابارلادى. كونە جادىگەرلەر بويىنشا جوعارعى كەڭەس حاتشىسى مۇستافا ۆازيري ايتۋىنشا، جادىگەر پتولەمەي داۋىرىنە (ب. ز. د. 331-31 -جىلدار) جاتادى. 2-اي بۇرىن بۇل ايماقتان پتولەمەي V (204-180 ب. ز. د. جىلدار) پەرعاۋىننىڭ ءمۇسىنى دە تابىلعان ەدى. سفينكستىڭ كولەمى ايتارلىقتاي ۇلكەن ەمەس، ۇزىندىعى -  28 س م. ءمۇسىننىڭ باسى ۋادجيت قۇدايدىڭ سۋرەتى بار ۋرەيمەن اشەكەيلەنگەن جانە پەرعاۋىنداردىڭ ءداستۇرلى ساقالى سالىنعان. سفينكس ءبىرشاما ءداۋىر بۇرىن جاسالسا دا جاقسى ساقتالعان. ءتىپتى قاس پەن كوزىندەگى قارا بوياۋى دا كەتپەگەن. كوم- ومبو عيباداتحاناسىندا جوندەۋ جۇمىستارى جۇرگىزىلگەلى بەرى بىرنەشە تاريحي جادىگەر تابىلدى. ولاي بولۋى زاڭدى. سەبەبى ەجەلگى مىسىردا كوم- ومبو بەسىنشى نوم استاناسى بولعان.

Massaget.kz