الەمنىڭ ەڭ وركەنيەتتى ەلدەرى انىقتالدى. قازاقستان نەشىنشى ورىندا؟

 استانا. قازاقپارات - بىرىككەن ۇلتتار ۇيىمى (ب ۇ ۇ) ادام دامۋىنىڭ ەڭ جوعارى دەڭگەيىنە يە ەلدەردىڭ رەيتينگىسىن ۇسىندى.

 «ادام دامۋىنىڭ كورسەتكىشتەرى مەن يندەكسى» اتتى بايانداما ب ۇ ۇ- نىڭ رەسمي پاراقشاسىندا جاريالاندى، دەپ جازادى Stan.kz اقپاراتتىق اگەنتتىگى.

اتالعان تىزىمگە بارلىعى 189 مەملەكەت كىردى. ونىڭ 59 ى جوعارى دامىعان ەلدەر بولسا، 38 ءى دامۋ دەڭگەيى تومەن ەلدەر. 2010 -جىلى وسى كوەففيتسيەنت تيىسىنشە 46-49 پايىزدى قۇراعانىن اتاپ ءوتۋ كەرەك. ەلدەر ورتاشا ءومىر ءسۇرۋ ۇزاقتىعى، ورتا جانە كۇتىلەتىن وقۋ ۇزاقتىعى جانە جان باسىنا شاققانداعى جالپى ۇلتتىق ءونىم (ج ء ۇ و) بويىنشا باعالاندى.

وسى ەرەكشەلىكتەر بويىنشا ءبىرىنشى ورىندى نورۆەگيا الدى. بۇل ەلدە ءومىر ءسۇرۋ ۇزاقتىعى 82 جىلدان اسادى، ءبىلىم بەرۋدىڭ ورتاشا ۇزاقتىعى 12  جىل بولسا، ال كۇتىلەتىن وقۋ ۇزاقتىعى 18 جىلدان ءسال تومەن. سونىمەن بىرگە، ەسەپ بويىنشا ەلدەگى ج ءۇ و مولشەرى 68 مىڭ دوللاردان اسادى.

سونداي- اق، الەمدەگى ەڭ وركەنيەتتى ەلدەردىڭ وندىعىنا شۆەيتساريا، اۆستراليا، يرلانديا، گەرمانيا، يسلانديا، گونكونگ، شۆەتسيا، سينگاپۋر جانە نيدەرلانديا كىرەدى.

كورشىلەس رەسەي بۇل تىزىمدە 49- ورىندا تۇر. ال، باربادوس پەن يراننىڭ ورتاسىندا جايعاسقان قازاقستان 58- ورىندى يەلەندى. ب ۇ ۇ- نىڭ ساراپشىلارى قازاقستاندا ءومىر ءسۇرۋدىڭ ورتاشا ۇزاقتىعى 70 جىل دەپ باعالادى. ال، جان باسىنا شاققانداعى ءونىم ج ءۇ و  22626 مىڭ دوللاردى قۇراعان.

الەمنىڭ ەڭ وركەنيەتتى ەلدەرىنىڭ ءتىزىمىن نيگەر مەملەكەتى بەكىتتى. مۇندا ورتاشا ءومىر ءسۇرۋ ۇزاقتىعى 60 جىل. ال ورتا ءبىلىم ۇزاقتىعى ەكى جىل بولسا، بولجالدى وقۋ ۇزاقتىعى شامامەن بەس جارىم جاس دەپ ەسەپتەلدى. سونىمەن بىرگە، جان باسىنا شاققانداعى ءونىم تەك 906 ا ق ش دوللارىن قۇرادى.

Stan.kz