بوكس اڭىزى مايك تايسون گولوۆكين- «كانەلو» جەكپە- جەگىنە باعا بەردى

 استانا. قازاقپارات - اۋىر سالماق دارەجەسىندەگى بۇرىنعى الەم چەمپيونى مايك تايسون قازاقستاندىق بوكسشى گەننادي گولوۆكين مەن مەكسيكالىق ساۋل الۆارەستىڭ قارىمتا كەزدەسۋى اياقتالا سالىسىمەن، جەكپە- جەككە باعا بەردى.

بۇل تۋرالى Sports.kz پورتالىنا سىلتەمە جاساپ Stan.kz اقپارات اگەنتتىگى.

«تاماشا جەكپە- جەك. «كانەلو» جەڭدى. كەرەمەت جەكپە- جەك بولدى» ، - دەيدى مايك تايسون. سونداي- اق، ول ءوزىنىڭ «كانەلونىڭ» جانكۇيەرى ەكەنىن ايتتى.

 ايتا كەتسەك، 16 - قىركۇيەكتە لاس- ۆەگاستەگى T- Mobile Arena-دا 12 راۋندقا جوسپارلانعان گولوۆكين- «كانەلو» جەكپە- جەگى تولىق ءوتتى. كەزدەسۋدە كىمنىڭ جەڭىسكە جەتكەنىن تورەشىلەر شەشىپ، ۇپاي سانى بويىنشا جەڭىستى ساۋل الۆارەسكە بەردى (115-113, 115-113, 114-114) . وسىلايشا، وتانداسىمىز گەنناديي گولوۆكين سپورتتىق مانسابىندا العاش رەت جەڭىلىس تاۋىپ، ورتا سالماق دارەجەسىندەگى WBA Super، WBC جانە IBO نۇسقالارى بويىنشا چەمپيوندىق بەلبەۋلەرىنەن ايىرىلدى.