كومپيۋتەرلىك جۇيە گولوۆكيننىڭ سوققىسى «كانەلودان» الدەقايدا كوپ بولعانىن كورسەتتى

CompuBox تىڭ ستاتيستيكاسىنا جۇگىنسەك، گولوۆكين 12 راۋندتا 879 جۇدىرىق سىلتەپ، ونىڭ 234 ءىن ءدال تيگىزگەن (%26.6) . ال الۆارەس 622 جۇدىرىق سىلتەپ، ونىڭ 202 ءسىن ءدال تيگىزگەن (%32.5) .

سونداي- اق، گولوۆكيننىڭ قارسىلاسقا باعىتتاعان دجەب(Jab) سانى 547 گە جەتىپ، 118 ءىن ءدال تيگىزگەن (%21.6) . الۆارەس 256 دجەب سوققىسىن جاساپ، 59 ءىن تيگىزگەن(% 23  ) .

ال اۋىر سوققىلار بويىنشا، GGG قارسىلاسىنا 332 اۋىر سوققى جاساپ، 116ءسىن دارىتقان (34.9%) . ال «كانەلو» 366 اۋىر سوققى باعىتتاپ، 143ءىن ءدال تيگىزگەن (%39.1) .

ءار راۋندتاعى سوققىلار سانى بويىنشا وتانداسىمىز 9 راۋندتا جەڭىسكە جەتىپ، 2 راۋند جەڭىلىپ، 1 راۋند تەڭ ونەر كورسەتكەن.

ەسكە سالايىق، گولوۆكين - «كانەلو» رەماتچى 16 -قىركۇيەك كۇنى امەريكا قۇراما شتاتتارىنىڭ لاس ۆەگاس قالاسىنداعى T- Mobile Arena-دا ءوتتى. قورتىندىسىندا، وتانداسىمىز تورەشىلەر شەشىمىمەن (113-115, 114-114, 113-115) جەڭىلىپ، چەمپيوندىق بەلدىكتەرىنەن ايىرىلدى.

الايدا جەكپە- جەك قورتىندىسى تاعىدا داۋعا ۇلاسىپ، كوپتەگەن ب ا ق جانە تانىمال بوكسشىلار گولوۆكيندى جەڭدى دەپ باعالاۋدا.

ايتا كەتەيىك، بوكسشىلاردىڭ ءبىر جىل بۇرىنعى العاشقى جەكپە- جەگىندە تەڭ ناتيجەمەن تارقاسقان بولاتىن. بۇل جەكپە- جەكتە گولوۆكين قارسىلاسىنا 703 سوققى جاساپ، 218 ءىن ءدال تيگىزسە، الۆارەس 505 سوققىدان تەك 169 ءىن تيگىزە العان.

 اۆتور: مۇحتار قاليموللا ۇلى