سولتۇستىك ديقاندارى جاڭا رەكورد ورناتتى
وسىعان دەيىن سەرىكتەستىك گەكتارىنان 43 سەنتنەردەن ءونىم الىپ كەلگەن. ال بيىل وبلىس بويىنشا رەكورد ورناتىپ، قامباعا مول استىق قۇيدى. شارۋالار مۇنداي تابىسقا كەنەلۋلەرىنىڭ سىرىن جاز مەزگىلىندە اۋا رايىنىڭ قولايلى بولۋىمەن بايلانىستىرىپ وتىر. قوجالىق ماماندارى كۇزگى تاناپ باسىنداعى جۇمىستارىن تولىق اياقاعان جوق. قىزىلجارلىق ديقانداردىڭ بۇعان دەيىنگى رەكوردى - گەكتارىنان 55 سەنتنەر ءونىم. بۇل كورسەتكىش «تۇقىم» ج ش س تيەسىلى بولعان ەدى. سولتۇستىك قازاقستان وبلىسىنىڭ اكىمى قۇمار اقساقالوۆ مول ىرزىق جيعان «بابىق- بۇرلىق» سەرىكتەستىگىنىڭ ەگىس القابىندا باردى.
«ەگىن ەگىپ، دۇرىس جۇمىس ىستەمەۋ - ءتيىسمسىز. مەملەكەت اگرارلىق سالاعا كوپ قولداۋ كورسەتەدى. سوندىقتان شارۋاشىلىق باسشىلارى تاراپىنان جۇمىسشىلاردىڭ ەڭبەكاقىن كوتەرۋ جانە باسقا دا الەۋمەتتىك كومەك تۇرىندە قايىرىم بولۋ كەرەك. نان بار، ناتيجە بار جانە تيىسىنشە ەڭبەكاقىنى كوتەرۋگە مۇمكىندىك بار. وسىنداي ديقاندارمەن جەرگىلىكتى بيلىك ءتيىستى جۇمىس جۇرگىزۋ كەرەك» ، - دەدى س ق و اكىمى قۇمار اقساقالوۆ.
مول ءونىم الۋدىڭ سىرىن سۇراعاندارعا «بابىق- بۇرلىق» سەرىكتەستىگىنىڭ باسشىسى سەيىلبەك ماحمەتوۆ قىسقا عانا جاۋاپ قايىردى.
«جەر انا - جومارت. جۇمىس ىستەۋ كەرەك. «اۆستريكا» اتتى سۇرىپ مول ءونىم بەردى. گەكتارىنان 62,5 سەنتنەردەن الىپ جاتىرمىز. جالپى ەگىن شىعىمى جاقسى. بيىلعى كورسەتكىشىمىز - ورتا ەسەپپەن گەكتارىنان 40 سەنتەر ءونىم» ، - دەدى ول.
جالپى، وبلىس بويىنشا كۇزگى وراق ناۋقانى قىزا ءتۇستى. 13 - قىركۇيەكتەگى مالىمەت بويىنشا وبلىستا جالپى القاپتىڭ 32 پايىزى باستىرىلدى. ورتاشا ونىمدىلىك گەكتارىنان 14,9 سەنتنەر.
Baq.kz
