شەتەلدىك جۋرناليستەر تۇركىستاننىڭ تۋريستىك ورىندارىن ارالادى

تۇركىستان. قازاقپارات - تۇركىستان وبلىسىنا شەتەلدىڭ جەتەكشى بۇقارالىق اقپارات قۇرالدارىنىڭ وكىلدەرى كەلدى، دەپ حابارلايى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ.

ق ر سىرتقى ىستەر مينيسترلىگىنىڭ باستاماسىمەن كەلگەن دەلەگاتسيا قۇرامىندا ۇلى بريتانيا، فرانسيا، قىتاي، يتاليا، كورەيا، پولشا، يندونەزيا ەلدەرىنىڭ جۋرناليستەرى بار. باسپاءسوز تۋرى ەلىمىزدىڭ تۋريستىك الەۋەتىن تانىتۋ ءۇشىن ۇيىمداستىرىلعان.

ءوڭىردىڭ تىنىسىمەن جان- جاقتى تانىسۋعا كەلگەن 7 مەملەكەتتىڭ جۋرناليستەرىن تۇركىستان وبلىسىنىڭ اكىمى جانسەيىت تۇيمەبايەۆ قابىلدادى. كەزدەسۋ بارىسىندا ءوڭىر باسشىسى وبلىستى دامىتۋ جونىندەگى ويلارى مەن جوسپارلارىن ايتتى.

«سىزدەرمەن سان عاسىرلىق تاريحى بار كيەلى تۇركىستان جەرىندە كەزدەسىپ وتىرمىز. بۇل باسقوسۋعا ارقاۋ بولىپ وتىرعان تۇركىستان قالاسىنىڭ قازاق حالقىنىڭ تاريحىندا ورنى ەرەكشە. تۇركىستان وبلىسى ەلىمىزدە ەڭ كوپ تۋريست كەلەتىن ايماق سانالادى. ءبىزدىڭ تاڭعاجايىپ تابيعاتىمىز بەن تاريحي ورىندارىمىزدى كورۋگە كەلەتىندەر قاتارى مول. تۇركىستاندا تاريحي ورىندار مەن ەسكەرتكىشتەر، كونە قالالار كوپ. سونىمەن قاتار، تاۋلار، كولدەر، وزەندەر مەن كورىكتى ورىندار دا بارشىلىق. ۇلى جىبەك جولى ءبىزدىڭ وبلىسىمىزدان وتكەن. سىزدەر دە ءوز ەلدەرىڭىزگە بارعان كەزدە تۇركىستان تۋرالى ايتىپ، ءوڭىر ءتۋريزمىن ناسيحاتتاۋعا ۇلەس قوساسىزدار دەگەن ويدامىن. بۇگىنگى كەزدەسۋدە ايتىلعان ۇسىنىستار مەن پىكىرلەر «تۇركىستان وبلىسىنىڭ تۋريستىك پوتەنتسيالىن دامىتۋ» باعدارلامالىق تۇجىرىمداماسىن جۇزەگە اسىرۋدا زور ىقپالىن تيگىزەتىنىنە سەنىمدىمىن»، - دەدى جانسەيىت قانسەيىت ۇلى.

كەزدەسۋدە پولشانىڭ «Turystyka.rp.pl»  اگەنتتىگىنىڭ وكىلى اننا كلوسسوۆسكا جانە وزگە دە جۋرناليستەر ءوز اسەرلەرىن ايتىپ، ءوڭىر تۋرالى سۇراقتار قويدى. ساپار اياسىندا شەتەلدەن كەلگەن قوناقتار تاريحى تەرەڭ وتىرار اۋدانىنا دا باردى. ءوز كەزەگىندە اۋدان اكىمدىگى جۋرناليستەردى الەمگە ايگىلى وتىرار قالاسىنىڭ تاريحىمەن تانىستىردى. «ارىستانباب» كەسەنەسىنە ايالداعان شەتەلدىكتەر سىرىن ىشىنە بۇككەن كيەلى جەردىڭ مول مۇراسىنا قانىقتى.

مۇنان كەيىن جۋرناليستەر تۇركىستان ءوڭىرىن ارالادى. بۇقارالىق اقپارات قۇرالدارىنىڭ وكىلدەرى قوجا احمەت ياساۋي كەسەنەسى، «ازىرەت سۇلتان» مەملەكەتتىك تاريحي- مادەني قورىعى جانە تۇركىستان قالاسىنداعى باسقا رۋحاني جانە تۋريستىك ورىنداردى ارالاپ، تاريحىمىزبەن تانىستى.

 2018 -جىلدىڭ ءبىرىنشى جارتىجىلدىعىندا تۇركىستان قالاسىنا كەلۋشىلەر سانى 700 مىڭنان اسىپ، بۇل وتكەن جىلدىڭ وسى كەزەڭىمەن سالىستىرعاندا % 60- عا كوبەيگەن. مادەنيەت جانە ونەر تاقىرىپتارى بويىنشا ماماندانعان شەتەلدىك جۋرناليستەر قوجا احمەت ياساۋي كەسەنەسىنىڭ قۇرىلىسىنا، ءسان- سالتاناتىنا ەرەكشە قىزىعۋشىلىق تانىتتى.

سونداي- اق، شەتەلدىك قوناقتار تۇركىستان قالاسى ماڭىنداعى ماقتا القابىنداعى اق التىندى جيناۋ ساتىنە كۋا بولدى. ايتا كەتەيىك، بيىل وڭىردەگى 132 مىڭ گەكتار القاپقا ماقتا ەگىلگەن. ەلىمىزدەگى اق التىن ءوسىرىپ، ەكسپورتتايتىن بىردەن- ءبىر وڭىردەگى شارۋاشىلىقتىڭ بۇل ءتۇرى شەتەلدىك جۋرناليستەردىڭ قاتتى قىزىعۋشىلىعىن وياتتى.

تۇركىستاندا جۋىردا قانات قاعاتىن بىرەگەي جوبا «Golden Саmel Group LTD»  تۇيە ءسۇتىن وڭدەيتىن زاۋىتىنا باردى. تاۋلىگىنە 100 تونناعا دەيىن ءسۇت وڭدەپ، 7 ءتۇرلى ەنەرگەتيكالىق سۋسىن شىعارۋعا مۇمكىندىگى بار كاسىپورىنعا سالىنعان ينۆەستيتسيا كولەمى 7,6 ميلليارد تەڭگەنى قۇرايدى. الپاۋىت كاسىپورىننىڭ جۇمىسى شەتەلدىكتەردىڭ قىزىعۋشىلىعىن تۋعىزدى.