تۇركىستان وبلىسىندا ءال-فارابي تۋرالى فيلم تۇسىرىلۋدە
باس قوسۋدا قوناقتار تۇركىستاننىڭ تاريحي ماڭىزدىلىعى مەن ءرولى جايىندا ءسوز ءوربىتتى، دەپ حابارلايدى قازاقپارات ءتىلشىسى.
وبلىس باسشىسى قوناقتارعا تۇركىستاندى تۇلەتۋگە باعىتتالعان وي-پىكىر، جوبالاردى بىرلەسىپ ىسكە اسىرۋ قاجەتتىگىن ايتتى. ءوز كەزەگىندە رەجيسسەر سەرگەي ءازىموۆ قازىرگى تاڭدا وتىرار اۋدانىندا عۇلاما عالىم ءال-فارابي حاقىندا دەرەكتى فيلم ءتۇسىرىپ جاتقانىن جەتكىزدى.
الداعى ۋاقىتتا تۇركىستان قالاسى مەن ياساۋي جايىندا تۋىندىلار جاساۋعا نيەتتى ەكەنىن ءبىلدىردى. وندا ياساۋي بابامىزدىڭ بالالىق شاعىنان باستاپ، تۇلعا رەتىندە قالىپتاسۋى جانە سول كەزدەگى ياسسى ءوڭىرى جايلى تاريحي تۋىندىدا عۇلامانىڭ قالىپتاستىرعان ءىلىمى، مەكتەبى، شىعارمالارى قامتىلاتىن بولادى.
سونداي-اق، وسى كۇنگى تۇركىستانمەن بايلانىستىرىپ، كۇللى تۇركىنىڭ ورداسىنا اينالعان تۇراننىڭ تاريحى قامتىلادى.
كەزدەسۋدە عالىم جاقىپبەك التاي ۇلى تۇركىستاننىڭ تاريحىنا ارنالعان حالىقارالىق عىلىمي جيىنداردى ۇيىمداستىرۋ قاجەتتىگىن العا تارتتى.
