الماتى ماڭىندا بوي كوتەرەتىن جاڭا اۋەجاي قانداي بولماق؟

الماتى. قازاقپارات - الماتى ماڭىندا بوي كوتەرەتىن جاڭا اۋەجايدىڭ قانداي بولاتىنى بەلگىلى بولدى. ق ر ينۆەستيتسيالار جانە دامۋ مينيسترلىگى قازاقپارات اگەنتتىگىنىڭ وسىعان بايلانىستى ساۋالىنا جاۋاپ بەردى.

«الماتى قازاقستاننىڭ تۋريزم سالاسىنداعى حالىقارالىق ورتالىعى بولىپ تابىلادى. سوندىقتان، مۇندا زاماناۋي اۋەجاي ينفراقۇرىلىمى پايدا بولۋى ءتيىس. «ۇلت جوسپارىنىڭ 100 ناقتى قادامى» جوباسى اياسىندا مۇندا حالىقارالىق اۆياتسيالىق حاب سالىنادى. قۇرىلىسقا ستراتەگيالىق ينۆەستور تارتىلادى»، - دەدى ۆيتسە- مينيستر قايىربەك وسكەنبايەۆ اگەنتتىكتىڭ ساۋالىنا رەسمي جاۋابىندا.

جوبا وپەراتورى «م گ حولدينگ» جوبانى جۇزەگە اسىرۋ ءۇشىن سينگاپۋر مەملەكەتىنەن قارجى تارتۋمەن اينالىسىپ جاتىر.

 ۆەدومستۆودا حابارلاعانداي، ينۆەستيتسيالىق قاۋىپسىزدىك ماقساتىندا «م گ حولدينگ» قازاقستان مەن سينگاپۋر اراسىندا ارنايى كەلىسىمشارت جاسالعان. قازىر اتالعان قۇجات سينگاپۋر ۇكىمەتىندە قارالىپ جاتىر.

 «جوبانىڭ نەگىزگى تالابى - 22 گ ا جەر ۋچاسكەسىن 100 جىلعا قايتارىمسىز باسقارۋ قۇقىعىن بەرۋ بولىپ تابىلادى. سونىمەن قاتار، سالىقتىق جەڭىلدىكتەر، كەدەندىك پرەفەرەنسيالار، ەرەكشە ۆيزالىق رەجىمدى ەنگىزۋ كوزدەلگەن. جەكە اكىمشىلىك تەرريتورياسى بار سەرىكتەس قالا تۇرعىزۋ دا جوسپاردا بار. وندا «اعىلشىن قۇقىعى» قولدانىلادى. سوندىقتان، بۇل راتيفيكاتسيالاۋدى تالاپ ەتەدى»، - دەپ جاۋاپ بەردى مينيسترلىك وكىلدەرى.

اۆتور: گۇلميرا عوسمانالي