11:41, 14 - قىركۇيەك 2018 | GMT +5
گولوۆكيننىڭ باپكەرى: كورەرمەندەر بىلتىرعىدان وزگەشە ايقاس كۇتەدى
لاس- ۆەگاس. قازاقپارات - امەريكالىق بوكس اۋەسقويلارى گەننادي گولوۆكين (38-0-1، 34 ك و) مەن ساۋل الۆارەس (49-1-2، 34 ك و) اراسىندا وتەتىن سەنبىلىك رەماتچتىڭ تىكەلەي كورسەتىلىمىن تاماشالاۋ ءۇشىن $85 تولەيدى، دەپ حابارلايدى قازاقپارات «SPORTINFORM» س ا ا- عا سىلتەمە جاساپ.
GGG باپكەرى كانەلو كورەرمەندەرگە بىلتىرعىدان الدەقايدا مىقتى ايقاس كورسەتۋگە مىندەتتى دەگەن پىكىردى ۇستانادى.
«وتكەن سەنبىدە التى بوكسشى جەڭۋگە تىرىسقان ءۇش جەكپە-جەكتى تاماشالادىق. كورەرمەندەر ءدال وسىنى كۇتەدى. ەشكىم بىرەۋدىڭ ايقاستان جالتارۋىن تاماشالاۋ ءۇشىن $90 جۇمساعىسى كەلمەيدى. كانەلو ءدال وسىنداي ىڭعايلى جولدى پايدالانا الادى. مەن كانەلوعا اقىلمەن جۇدىرىقتاسۋعا كەڭەس بەرەر ەدىم. دەگەنمەن ول راۋندتاردا جەڭىسكە جەتتى. ول مىقتى قورعانا الادى، جاقسى كونترپانچەر دەر ەدىم. سوندىقتان ءدال وسىلاي جۇدىرىقتاسسىن!»، - دەدى سانچەس.
ەسكە سالايىق، 15- قىركۇيەكتە (قازاقستاندا - 16- قىركۇيەك، تاڭەرتەڭ) گەننادي گولوۆكين ساۋل الۆارەسپەن لاس-ۆەگاستە كەزدەسەدى.
