گرەكيادا جاعاجايداعى جارتاس قۇلاپ، جۇرتتىڭ ۇرەيىن ۇشىردى

زاكينف. قازاقپارات - گرەك ارالى زاكينفتىڭ ناۆايوس جاعاجايىندا جارتاس وپىرىلا قۇلادى، دەپ حابارلايدى قازاقپارات Euronews-كە سىلتەمە جاساپ.

تولقىن كوتەرىلىپ، كەمەلەردى اۋدارىپ كەتكەن. بىرنەشە ادام اۋرۋحاناعا جەتكىزىلدى. ولاردىڭ اراسىندا ارقاسى جاراقاتتانعان چەحيالىق تۋريست تە بار. دارىگەرلەردىڭ ايتۋىنشا، زارداپ شەككەندەردىڭ ومىرىنە ەش قاۋىپ تونبەيدى.

قۇتقارۋشىلار ءۇيىندىنىڭ استىندا ەشكىم قالىپ قويماعانىنا كوز جەتكىزۋ ءۇشىن جارتاستىڭ قۇلاعان سىنىقتارى مەن سول ماڭدى قاراپ شىقتى.

 «الدىمەن كىشىگىرىم بولىگى، ارتىنشا جارتاس تۇگەلدەي قۇلادى. ۇلكەن تولقىن ءبىر كەمەنى اۋدارىپ تاستاپ، ەكىنشىسىنىڭ بورتىنا سوعىلعان، جاعاجايداعى بارلىق زاتتار سۋمەن اعىپ كەتتى. كىشىگىرىم قايىقتاردىڭ بارلىعى سۋ استىندا قالدى. الىپ تولقىن ءىرى كەمەنى اۋدارىپ، ونداعى ادامدار سۋعا قۇلاپ ءتۇستى. باسقالارى اۋدارىلعان كەمەلەردەگى ادامداردى قۇتقارۋعا اسىقتى. ناعىز سۇمدىق»، - دەدى كۋاگەرلەر.