اقتوبەنىڭ شالعاي اۋدانىندا مۇناي قورىن ىزدەۋ جۇمىستارى باستالادى

اقتوبە. قازاقپارات - اقتوبەنىڭ ويىل اۋدانىندا مۇنايدى ىزدەۋ- بارلاۋ جۇمىستارى باستالادى. ىزدەۋ جۇمىستارى ويىل وزەنى مەن بارقىن قۇمى ماڭىندا جۇرگىزىلمەك، دەپ حابارلايدى قازاقپارات ءتىلشىسى.

اقتوبە وبلىسىنىڭ ويىل اۋدانىندا بۇگىندە اۋىل شارۋاشىلىعى سالاسى جاقسى دامىپ وتىر. مۇندا ايگىلى شىعاناق بەرسييەۆ تارى ءوسىرىپ، الەمدىك رەكورد ورناتقان. قازىر بارقىن قۇمىندا قاراعاي، تەرەك اعاشتارى جايقالعان ورمان دا بار. ەكولوگتار مۇندا تۇشى سۋدىڭ مول قورى بار ەكەنىن دە جاسىرمايدى.

اقتوبە وبلىستىق ەكولوگيا دەپارتامەنتىنەن ءمالىم ەتكەندەي، بۇل جەردە مۇناي قورى دا بولۋى مۇمكىن. جەكەمەنشىك كومپانيالاردىڭ ءبىرى ىزدەۋ- بارلاۋ جۇمىستارىنا رۇقسات الىپ، بارلىعى 12 جەردە ۇڭعىما قازباق.

 «ويىل اۋدانىنداعى بارقىن قۇمى اۋماعىندا بۇرعىلاۋ جۇمىستارىن جۇرگىزۋ بويىنشا دايىندىق باستالدى. «ادا» كومپانياسى 10 مەملەكەتتىك ساراپتامانى الىپ، ەگىزقارا بارلاۋ اۋماعىنان 600، 850، 1450 مەترلىك تەرەڭدىكتە بۇرعىلاۋ جۇرگىزەدى. ىزدەۋ- بارلاۋ جۇمىسى ويىل وزەنىنەن 700 مەتر، بارقىن قۇمىنان 2,5 شاقىرىمدا ىسكە اسىرىلادى»، - دەدى اقتوبە وبلىستىق ەكولوگيا دەپارتامەنتىنىڭ باسشىسى جاقسىعالي يمانقۇلوۆ.

ايتا كەتەيىك، ويىل اۋدانىنىڭ تۇرعىندارى اۋىلدا بارلاۋ جۇرگىزىپ، مۇناي ىزدەۋگە قارسىلىق ءبىلدىرىپ وتىر. ءبىراق ەكولوگتار تۇرعىنداردى سابىرعا شاقىرۋدا.

«ول جەردە مۇنايدىڭ بار- جوعى بەلگىسىز. سونىمەن قاتار، ىزدەۋ- بارلاۋ جۇمىستارى تابيعاتى ەرەكشە بارقىن قۇمىنان قاشىقتا ورنالاسقان. بارلىعى 12 جەردە ۇڭعىما قازىلىپ، ىزدەۋ جۇرەدى. تۇشى سۋعا ەشقانداي زيان كەلمەيدى»، - دەيدى جاقسىعالي يمانقۇلوۆ.

اۆتور: التىناي ساعىندىقوۆا