18:33, 13 - قىركۇيەك 2018 | GMT +5
مەملەكەت باسشىسى گەننادي گولوۆكينگە تابىس تىلەدى
استانا. قازاقپارات - قازاقستان پرەزيدەنتى نۇرسۇلتان نازاربايەۆ تانىمال كاسىپقوي بوكسشى گەننادي گولوۆكينگە «كانەلومەن» ايقاستا تابىس تىلەدى.
قازاقستان رەسپۋبليكاسى پرەزيدەنتىنىڭ تەلەراديوكەشەنى ەكسكليۋزيۆتى بەينەجازبا جاريالادى، دەپ حابارلايدى قازاقپارات.
«سەنى قىركۇيەكتە وتە ماڭىزدى ايقاس كۇتىپ تۇر. بارلىق قازاقستاندىقتاردىڭ اتىنان ساعان تابىس تىلەيمىن. سەنىڭ بارلىق جەكپە-جەكتەرىڭدى وتانداستارىڭ زەر سالىپ كورەدى. ءبىز سەنىمەن ماقتانامىز. بۇل جاستار ءۇشىن، ولاردىڭ تاربيەسى ءۇشىن وتە ماڭىزدى»، - دەدى پرەزيدەنت.
ءوز كەزەگىندە گ. گولوۆكين «مەنىڭ جۇمىسىم - جەڭۋ، ءسىزدىڭ جۇمىسىڭىز - بۇيرىق بەرۋ»، - دەپ جاۋاپ بەردى.
قازاقستاندا گولوۆكين - الۆارەس II بوكس شوۋى 16- قىركۇيەك كۇنى تاڭعى ساعات 6 دا باستالادى. ونى «Qazaqstan» جانە «Qazsport» تەلەارنالارى تىكەلەي ەفيردەن كورسەتەدى.
