13:42, 13 - قىركۇيەك 2018 | GMT +5
گولوۆكين «كانەلومەن» ءۇشىنشى ايقاستىڭ شارتىن اتادى
استانا. قازاقپارات - WBA/WBC/IBO تۇجىرىمدارى بويىنشا ورتا سالماقتاعى الەم چەمپيونى گەننادي گولوۆكين مەكسيكالىق ساۋل «كانەلو» الۆارەسكە قارسى ءۇشىنشى ايقاستى وتكىزۋ مۇمكىندىگىن جوققا شىعارمايدى، دەپ حابارلايدى Sports.kz.
بوكسشىلاردىڭ ءبىرىنشى جەكپە- جەگى بىلتىر لاس- ۆەگاستا ءوتىپ، تەڭ ناتيجەمەن اياقتالعان. ال، ەكىنشى جەكپە- جەك سول جەردە 15 - قىركۇيەكتە بولادى.
«مەن بوكسشىمىن، ءدال قازىر بار كۇشىمدى سالىپ، ەكىنشى ايقاسقا دايىندالىپ جاتىرمىن. مەن پروموۋتەر ەمەسپىن. ءبىراق، ەكەۋمىزدىڭ دە دەنساۋلىعىمىز جاقسى بولىپ، بارلىعى ويداعىداي اياقتالسا، نەگە ۇيىمداستىرماسقا؟ ءبارى دە مۇمكىن» ، - دەدى گەننادي باسپا ءسوز ءماسليحاتىندا.
قازاقستاندا گولوۆكين - الۆارەس II بوكس شوۋى 16 - قىركۇيەك كۇنى تاڭعى ساعات 6 دا باستالادى. ونى «Qazaqstan» جانە «Qazsport» تەلەارنالارى تىكەلەي ەفيردەن كورسەتەدى.
