پۋتين جاپونياعا جىل سوڭىنا دەيىن بەيبىت كەلىسىم جاساسۋدى ۇسىندى
پۋتيننىڭ سوزىنشە، بۇل بەيبىت كەلىسىم نەگىزىندە رەسەي مەن جاپونيانىڭ بارلىق داۋلى ماسەلەنى «ءوزارا دوس» سياقتى شەشۋىنە بولادى.
الايدا، جاپونيا مينيسترلەر كابينەتىنىڭ باس حاتشىسى ەسيحيدە سۋگا توكيو ماسكەۋ داۋلى ارالداردى قايتارعاندا عانا بەيبىت كەلىسىم جاساساتىنىن مالىمدەدى.
بۇعان دەيىن ماسكەۋ مەن توكيو اراسىندا بەيبىت كەلىسىم جاساسۋ قاجەت ەكەنىن جاپونيا پرەمەر- ءمينيسترى سيندزو ابە بىرنەشە رەت مالىمدەگەن.
كۋريل ارالدارى (يتۋرۋپ، شيكوتان، كۋناشير جانە حابوماي) ەكىنشى دۇنيەجۇزىلىك سوعىس اياقتالعاننان كەيىن رەسەي مەن جاپونيا اراسىندا داۋلى ايماققا اينالعان. سوۆەت اسكەرى ارالداردى 1945 -جىلى جاپونيا كاپيتۋلياتسيا بولعان سوڭ باسىپ العان. تەرريتوريا داۋىنان ەكى ەل سوعىستان كەيىنگى بەيبىت كەلىسىمگە قول قويۋدان باس تارتىپ وتىر. رەسەي ارالداردى ءوز يەلىگى دەپ ەسەپتەيدى، ال جاپونيا بۇل اۋماقتى ءوزىنىڭ ءبىر بولىگى ساناپ، ونى قايتارۋدى ۇنەمى تالاپ ەتىپ كەلەدى.
www.azattyq.org
