باس گازەت «ەگەمەن قازاقستان» مەن «نيۋ- يورك تايمس» بىرلەسكەن جوبانى قولعا الدى
«ەڭ نەگىزگى جاڭالىقتارىمىزدىڭ ءبىرى - الەمنىڭ ەڭ ۇزدىك باسىلىمدارىنىڭ قاتارىنان تابىلاتىن «نيۋ- يورك تايمسپەن» ارىپتەستىك ورناتتىق جانە كەلىسىم ناتيجەسىندە قازىر ورتاق جوبا باستاپ وتىرمىز. جوبا ناتيجەسىندە ءبىزدىڭ سايتىمىزدا «نيۋ- يورك تايمستىڭ» ەڭ ۇزدىك ماقالالارى، باعاندارى وقىرمانعا جول تارتادى. سونىمەن قاتار، ەڭ ۇزدىك ساراپشىلاردىڭ پىكىرلەرىن اۋدارىپ، وقىرمانىمىزعا ۇسىنا باستايمىز. بۇل ەڭ الدىمەن اقپاراتتىق كەڭىستىگىمىزدى كەڭەيتۋگە مۇمكىندىك بەرەدى. ەكىنشىدەن، وقىرمانىمىز ەڭ تاڭداۋلى دەگەن ساراپشى، جۋرناليستەردىڭ ماتەريالدارىمەن، كوزقاراستارىمەن تانىسۋعا مۇمكىندىك الادى»، - دەيدى گازەت باسشىسى.
ونىڭ ايتۋىنشا، اتالعان جوبا وسى قىركۇيەك ايىنىڭ ىشىندە باستالادى.
«نيۋ- يورك تايمسپەن» ورتاق جوبامىز بىزگە حالىقارالىق ارەنادا جۇمىس ىستەۋگە ۇلكەن مۇمكىندىك تۋعىزادى دەپ ويلايمىن. بۇل - ت م د ەلدەرىندە العاش قولعا الىنىپ وتىرعان جوبا»، - دەدى دارحان قىدىرالى.
اۆتور: مارلان جيەمباي
