باقىرشىق كەن ورنىندا التىننىڭ العاشقى تونناسى ءوندىرىلدى
باقىرشىق كەن ورنى ۇستىمىزدەگى جىلدىڭ 25 - ماۋسىمىندا سالتاناتتى جاعدايدا ىسكە قوسىلعان بولاتىن.
كەن ورنى التىن ءوندىرۋدىڭ وتە كۇردەلى تەحنولوگياسىمەن سيپاتتالاتىنى بەلگىلى. كەنىشتىڭ جارتى عاسىرلىق تاريحى بار. ءبىراق «پوليمەتالل» كومپانياسىنا دەيىن قىمبات مەتالدىڭ اۋقىمدى ءوندىرىسىن بۇل جەردە ەشكىم ىسكە اسىرا الماعان.
ايتۋلى وقيعانىڭ قۇرمەتىنە كەن- بايىتۋ كەشەنىنىڭ سەحىندا «باقىرشىق تاۋ- كەن ءوندىرۋ كاسىپورنى» ج ش س- ءنىڭ بارلىق بولىمشەلەرىنىڭ قاتىسۋىمەن ميتينگ ءوتتى. وندا «پوليمەتالل ۋك» ا ق باس ديرەكتورىنىڭ ءوندىرىس جونىندەگى ورىنباسارى ۆيتالي ساۆچەنكو مەن جارما اۋدانىنىڭ اكىمى نۇرلان سىدىقوۆ قۇتتىقتاۋ ءسوز سويلەدى.
«باقىرشىق كەن ورنىن يگەرۋدىڭ كوپ جىلعى تاريحىندا العاش رەت باعالى مەتالل نەعۇرلىم ءىرى مولشەردە ءوندىرىلىپ وتىر. بۇل قازاقستانداعى قورى باي كەن ورىندارىنىڭ بىرىندە ونەركاسىپ ءوندىرىسىنىڭ باستالعاندىعىن كورسەتەدى»، - دەدى اۋدان اكىمى نۇرلان سىدىقوۆ.
ايتا كەتەيىك، باقىرشىق كەن ورنى بيىل شىعىس قازاقستان وبلىسىنىڭ 273 مەكتەبىندە روبوتوتەحنيكا سىنىپتارىن جاراقتاندىردى. بۇل تىزىمدە جارما اۋدانىنىڭ 14 مەكتەبى دە بار.
