ەڭ باقىتسىز ەل انىقتالدى

 استانا. قازاقپارات - زەرتتەۋشىلەر الەمدەگى ەڭ باقىتسىز ەلدى انىقتادى.

ولار ەڭ باقىتسىز ەل ورتالىق افريكا رەسپۋبليكاسى دەگەن قورىتىندى شىعارعان.

سەبەبى مۇندا ءتۇرلى توپتار اراسىنداعى اسكەري قاقتىعىستاردىڭ سەبەبىنەن ون مىڭداعان ادام ءوز ۇيلەرىن تاستاپ كەتكەن.

ورتالىق افريكا رەسپۋبليكاسى زورلىق-زومبىلىقتى كوپ كورگەن 11 ەلدىڭ قاتارىنا ەنگەن. بۇل ەلدەردىڭ بارلىعى افريكادا ساحارادان وڭتۇستىككە قاراي ورنالاسقان.

باقىتسىزدىق رەيتينگىندە ەكىنشى ورىندا %59 كورسەتكىشىمەن يراك تۇر. ودان كەيىن وڭتۇستىك سۋدان (%55 باقىتسىز حالىق)، مىسىر (%47) جانە يران (%45).

ال ەڭ باقىتتى ەلدەردىڭ كوشىن لاتىن امەريكاسى ەلدەرى باستاعان. ەڭ باقىتتى ۇشتىك: پاراگۆاي (%85 حالىق)، كولۋمبيا جانە سالۆادور (%82).

سوتسيولوگتاردىڭ دەرەكتەرى بويىنشا 2017 -جىلى الەمدەگى باقىتتىلىق دەڭگەيى سوڭعى ون جىلدىقتاعى ەڭ تومەنگى دەڭگەيدە بولعان. كۇيزەلىس، ۇرەي بيلەگەن ادامدار سانى ارتۋدا.

 

دەرەككوز: كوررەسپوندەنت