رەسپۋبليكالىق«قازاق تانۋ» جوباسى قىزىلوردادان باستالدى
بۇل شارا ەلىمىزدە ەڭ الدىمەن قىزىلوردا وبلىسىندا قولعا الىنىپ وتىر، دەپ حابارلايدى قازاقپارات ءتىلشىسى.
سالتاناتتى اشقان وبلىس اكىمىنىڭ ورىنباسارى رۋسلان رۇستەموۆ جالپى ۇلتتىق بىرلىكتىڭ قازاقستاندىق ۇلگىسىن نىعايتۋدا اتالمىش جوبانىڭ ماڭىزدىلىعىنا باسا نازار اۋداردى. ال ق ح ا ءتوراعاسىنىڭ ورىنباسارى- حاتشىلىق مەڭگەرۋشىسى لەونيد پروكوپەنكو اتالمىش جوبانىڭ ماڭىزى مەن ماقساتى جايىندا كەڭىنەن بايانداپ بەردى. اتالمىش جوبا قازاق حالقىنىڭ ەتنوستارى، گۋمانيستىك داستۇرلەر مەن رۋحاني بايلىعى نەگىزىندە قوعامدىق كەلىسىم مەن جالپى ۇلتتىق بىرلىكتى بىرىكتىرۋ ماقساتىنا باعىتتالعان.
«سونداي- اق، ءتۇرلى ەتنوستىق توپتاردىڭ وكىلدەرىنە قازاق حالقىنىڭ تاريحى، داستۇرلەرى، مادەنيەتى، ءدىنى، رۋحاني ورتالىقتارى، تۇرمىس سالتى تانىستىرىلادى. تاعى ءبىر ەرەكشەلىگى، ۇرپاق اراسىنداعى بايلانىستاردىڭ، بىرلىكتىڭ نەگىزگى پرينتسيپتەرى مەن كەلىسىمنىڭ، ەتنيكالىق تولەرانتتىلىقتىڭ نەگىزىندە بىرىگۋى مەن دامۋىنا نازار اۋدارىلادى. جوبا جالپىقازاقستاندىق قۇندىلىق پەن قازاقستاندىق ءپاتريوتيزمدى بىرىكتىرۋ مەن قالىپتاستىرۋ بولىپ تابىلادى» ، - دەدى ل. پروكوپەنكو.
«قازاق تانۋ» جوباسى بويىنشا رەسپۋبليكالىق لەكتوري قىزىلوردادان باستالدى بەلگىلى ادەبيەت زەرتتەۋشىسى، عالىم قۇلبەك ەرگوبەك قازاق حالقىنىڭ شەجىرەلى تاريحىندا سىر ءوڭىرىنىڭ الاتىن ورنى ەرەكشە ەكەنىنە توقتالدى. داريا بويى - الاش بالاسىنا جاۋشىلىقتا پانا، جايشىلىقتا انا بولا بىلگەن قاسيەتتى ءوڭىر. سوندىقتان «قازاق تانۋ» جوباسى بويىنشا يگىلىكتى ىستەردىڭ قىزىلوردا وبلىسىنان باستاۋ الۋى وتە قۇپتارلىق. بۇل جوباعا ءاربىر ازامات ۇلكەن ۇلەس قوسقانى ارتىق ەمەس. ءاربىر جاناشىر ازامات ولكەتانۋ ماسەلەسىنە نازار اۋدارسا، سان الۋان تاريحي قازىنامىزدى تۇگەندەۋگە جول اشىلار ەدى.
«قازاقتا «وتان وتباسىنان باستالادى» دەگەن ناقىل ءسوز بار. ءبىز تۋعان جەردىڭ تاريحىن تانۋىمىز قاجەت. سىر بويى - ارحەولوگيالىق دۇنيەلەرگە باي ولكە. بۇرىنعى جىلداردا داريانىڭ باستاپقى اعىسىنداعى قانشاما قۇندىلىقتار زەردەلى زەرتتەۋدەن وتكىزىلدى. قازىر وبلىس باسشىلىعىنىڭ قولداۋىمەن سىرداريانىڭ ورتا تۇسىنداعى اۋماقتاعى وسىنداي قازىنالار تارازىلانىپ جاتىر. ال تومەنگى بولىگىندە قانشاما ارحەولوگيالىق كەنىشتەر بار ەكەنىن ەسىمىزدەن شىعارماۋىمىز ءتيىس» ، - دەدى ق. ەرگوبەك.
«قازاق تانۋ» جوباسى بويىنشا رەسپۋبليكالىق لەكتوري قىزىلوردادان باستالدى جازۋشى، قوعام قايراتكەرى مىرزاگەلدى كەمەل ءبىزدىڭ ۇلتىمىز ەجەلدەن باۋىرمال قاسيەتىمەن دارالانىپ تۇرعانىن تىلگە تيەك ەتتى. ول كىسىنىڭ ايتۋىنشا، قازاق قاشاندا جابىرقاعاننىڭ جانىنان تابىلدى، جىعىلعانعا سۇيەۋ بولدى. كەشەگى كەزەڭدە تاعدىر جازۋىمەن قازاق توپىراعىنا قادام باسقان سان ءتۇرلى ەتنوس وكىلدەرىنىڭ جۇزىندەگى جاستى ءسۇرتىپ، ولارعا ۇلكەن قامقورلىق كورسەتتى.
«قاسيەتتى قازاقستان» عىلىمي- زەرتتەۋ ورتالىعىنىڭ باسشىسى بەرىك ءابدىعالي ۇلى وتكەن تاريحىمىزعا ءوز دەڭگەيىندە نازار اۋدارۋ قاجەتتىگىنە ماڭىز بەردى. بۇل ورايدا قازاق حاندارىنا وڭىرلەردەن ەڭسەلى ەسكەرتكىش ورناتۋدىڭ ماڭىزى زور. الاش زيالىلارىن قۇرمەتتەۋدە سىر ءوڭىرى يگى ءىستى قولعا الىپ، العاشقىلار قاتارىندا تۇعىرلى تۇلعامىز مۇستافا شوقايعا ەسكەرتكىش ورناتتى. بۇدان كەيىن ەلىمىزدىڭ وزگە وڭىرلەرىندە وزگە دە الاش قايراتكەرلەرىنە ارنالعان ەسكەرتكىشتەر بوي كوتەردى.
رەسپۋبليكالىق «ايقىن» گازەتىنىڭ باس رەداكتورى نۇرتورە ءجۇسىپ قازاقتى تانۋدا «قازاق تانۋ» جوباسىنىڭ ماڭىزى ەرەكشە ەكەنىنە نازار اۋدارتسا، جازۋشى، اۋدارماشى كامال الپەيىسوۆا ۇلتتىق قۇندىلىقتارعا بايلانىستى وي- پىكىرىمەن ءبولىستى.
بۇگىن، 12 - قىركۇيەكتە قىزىلوردا قالاسىنىڭ جوعارى وقۋ ورىندارى مەن شيەلى اۋدانىندا، 13 - قىركۇيەكتە سىرداريا، قارماقشى اۋداندارى مەن بايقوڭىر قالاسىندا «قازاق تانۋ» جوباسىنا ارنالعان دارىستەر وقىلادى. لەكتوري شەڭبەرىندە 2 كۇن بويى كاسىبي ەمەس مەدياتورلارعا ارنالعان ترەنينگتەر، «مەنىڭ جەتىستىگىمنىڭ تاريحى - ەل جەتىستىگىنىڭ تاريحى» تاقىرىبىندا شىعارماشىلىق كەش بولادى. سونداي- اق، قىزىلوردا وبلىستىق اسسامبلەياسىنىڭ عىلىمي- ساراپشىلىق توبىنىڭ كەڭەيتىلگەن وتىرىسى وتەدى.
