10:04, 12 - قىركۇيەك 2018 | GMT +5
عالىمدار سىبىردە كراتەردىڭ پايدا بولۋ قۇپياسىن اشتى
استانا. قازاقپارات - 2014-جىلدىڭ شىلدەسىندە يامال تۇبەگىندەگى قۇپياعا تولى كراتەر كريوجانارتاۋلىق بەلسەندىلىكتەن پايدا بولعان.
رەسەيلىك عالىمداردىڭ وسىعان بايلانىستى زەرتتەۋ جۇمىستارى Scientific Reports جۋرنالىندا جاريالاندى، دەپ حابارلايدى قازاقپارات.
مۇنداي قۇبىلىستار باسقا عالامشارلاردا كەزدەسەدى. كريوجانارتاۋلار وتە تومەنگى تەمپەراتۋرادا سۋ مەن ءتۇرلى اگرەگاتتىق كۇيدەگى مەتان مەن اممياك سياقتى ءبىرقاتار حيميالىق قوسىندىلاردى ءبولىپ شىعارادى.
بەلگىسىز كراتەردى 2014-جىلدىڭ شىلدەسىندە بوۆانەنكوۆو مۇناي ءوندىرۋ بازاسىنان 30 شاقىرىم قاشىقتىقتا يامالداعى بوۆانەنكوۆو مۇناي-گاز كەن ورنىنا قىزمەت كورسەتەتىن تىكۇشاقتىڭ ۇشقىشتارى تاپقان.
