نۇرسۇلتان نازاربايەۆ ا ق ش- تىڭ قازاقستانداعى ەلشىسى دجوردج كرولمەن كەزدەستى
مەملەكەت باسشىسى كەزدەسۋ بارىسىندا دجوردج كرولعا قازاقستانداعى جەمىستى ەڭبەگى ءۇشىن ريزاشىلىق ءبىلدىرىپ، ديپلوماتتىڭ ەكى جاقتى بايلانىستاردىڭ دامۋىنا ەرەكشە ۇلەس قوسقانىن اتاپ ءوتتى.
«ءسىز جۇمىس ىستەگەن ۋاقىتتا ەلدەرىمىز اراسىنداعى جەمىستى قارىم- قاتىناستار نىعايا ءتۇستى. قاڭتار ايىنداعى ا ق ش- قا ساپارىم بارىسىندا پرەزيدەنت د. ترامپپەن كەزدەستىم. ءبىزدىڭ ەكونوميكالىق ىنتىماقتاستىعىمىز جاڭا دەڭگەيگە كوتەرىلدى. قول جەتكىزگەن بارلىق ۋاعدالاستىقتار تابىستى جۇزەگە اسىرىلۋدا. مۇنىڭ بارىندە ءسىزدىڭ ۇلەسىڭىز مول. ءسىز قازاق ءتىلى مەن مادەنيەتىن ناسيحاتتاپ ءجۇرسىز. ءوزارا قارىم- قاتىناستارىمىزدىڭ نىعايۋىنا زور ەڭبەك ءسىڭىردىڭىز. ءسىزدى قازاقستاننىڭ دوسى بولىپ قالا بەرەدى دەپ سەنەمىن»، - دەدى ەلباسى.
د. كرول قازاقستان رەسپۋبليكاسىنداعى ديپلوماتيالىق قىزمەتىنە جوعارى باعا بەرگەنى ءۇشىن نۇرسۇلتان نازاربايەۆقا العىس ايتىپ، قازاقستانداعى مارتەبەلى جۇمىسىن زور جاۋاپكەرشىلىكپەن اتقارعانىن اتاپ ءوتتى. ەلشى، سونداي- اق، اتقارعان قىزمەتىنىڭ ەكى ەل اراسىنداعى قارىم- قاتىناستاردىڭ ودان ءارى دامۋىنا سەپتىگىن تيگىزەتىنىنە سەنىم ءبىلدىردى.
كەزدەسۋ سوڭىندا مەملەكەت باسشىسى امەريكا قۇراما شتاتتارىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى دجوردج كرولدى ديپلوماتيالىق ميسسياسىنىڭ اياقتالۋىنا بايلانىستى قازاقستان رەسپۋبليكاسى مەن امەريكا قۇراما شتاتتارى اراسىنداعى بەيبىتشىلىكتى، دوستىق پەن ىنتىماقتاستىقتى نىعايتۋعا قوسقان ۇلەسى ءۇشىن Ⅱدارەجەلى «دوستىق» وردەنىمەن ماراپاتتادى.
