ايقىن كەمشىلىكتەر بار - ەربولات دوسايەۆ كەيبىر اكىمدىكتەردىڭ جۇمىسى جايلى
«وتكەن التى ايلىق قورىتىندى جاسالعاننان كەيىن ەكى ايدىڭ ىشىندە جوبالىق كەڭسەلەر مەملەكەتتىك ورتالىق ورگاندارمەن، جەرگىلىكتى اتقارۋشى بيلىكپەن جۇمىس ىستەپ جاتىر. ينۆەستيتسيالىق ءوسىمنىڭ ناتيجەلەرى ەشكىمدى قالىس قالدىرماۋى ءتيىس. ويتكەنى، سىرتقى جانە ىشكى ينۆەستيسيالاردى تارتۋ دەگەن ورگاندار مەن اكىمدىكتەردىڭ باستى جۇمىسى. جىل ىشىندە نەگىزگى كاپيتالعا سالىنعان ينۆەستيتسيالاردا ءوسۋ قارقىنىنىڭ باياۋلاۋى بايقالۋدا. دەسە دە، وتىن- ەنەرگەتيكالىق كەشەنگە سالىنعان ينۆەستيتسيالاردىڭ ۇلەسى ازايىپ جاتقان جوق»، - دەيدى پرەمەر-ءمينيستردىڭ ورىنباسارى ۇكىمەت وتىرىسىندا.
ەربولات دوسايەۆتىڭ ايتۋىنا قاراعاندا، وڭدەۋ ونەركاسىبى، اۋىل شارۋاشىلىعى، ەنەرگەتيكا سالاسىنداعى جالپى سوماسى 500 ميلليون دوللاردان اساتىن 14 جوبانىڭ العا باسپاي قالۋىنا اقمولا، اقتوبە، قاراعاندى، جامبىل، ماڭعىستاۋ جانە س ق و-داعى قۇرىلىس- مونتاجداۋ جۇمىستارىنىڭ ارتتا قالۋى سەبەپ بولىپ وتىر.
«جاڭا ارىپتەستەرىمىز، جەڭىس ماحمۇد ۇلى ول تۋرالى ايتىپ بەردى. ءبىراق الدىمىزدا كەلە جاتقان ايدىڭ سوڭىنا دەيىن جاڭا كەستە قاراپ، بيىل كۇشىمىز جەتكەنشە وسى جۇمىستى ءبىتىرۋ ءۇشىن بىرگە جۇمىس ىستەۋىمىز كەرەك. جوبالاردىڭ بارلىعى دا ءوندىرىس، اۋىل شارۋاشىلىعى جانە ەنەرگەتيكا سالاسىنداعى جوبالار. الماتى قالاسى، اقمولا، اتىراۋ، تۇركىستان جانە باتىس قازاقستان وبلىستارىندا، الماتى جانە شىمكەنت قالالارىندا 83 ميلليون دوللار سوماسىندا وڭدەۋ ونەركاسىبىندە، اۋىل شارۋاشىلىعىندا جانە ساۋدادا 11 جوبانى ىسكە قوسۋدا ساتسىزدىككە جول بەرىلدى. سونىمەن قاتار، نارىققا ينۆەستورلار كەلگەن جوق ءالى. مەملەكەتتىك يندۋستريالاندىرۋعا باعىتتالعان ەلەۋلى قارجىلاندىرۋعا قاراماستان وتكەن جىلى وڭدەۋ ونەركاسىبى ءوسىمىنىڭ تۇراقتى تومەندەۋى بايقالدى»، - دەيدى ول.
ەربولات دوسايەۆ اتاپ وتكەندەي، بۇگىنگى كۇنگە دەيىن كاسىپورىنداردى جاڭعىرتۋ جانە تەحنيكالىق قايتا جابدىقتاۋدى ىنتالاندىرۋ ءۇشىن 2025 -جىلعا دەيىن 45 كاسىپورىن تاڭدالىپ الىنعان.
«تەحنولوگيالىق ترانسفەرتتى جانە ءبىلىم بەرۋدى دامىتۋ، جۇمىستار مەن قىزمەتتەردىڭ قوسىمشا قۇندىلىعىن ارتتىرۋ بويىنشا جۇيەلى جانە شەشۋشى ۇسىنىستار تۇسكەن جوق. مۇددەلى مەملەكەتتىك ورگاندار تاراپىنان ايقىن كەمشىلىكتەر بار. اكىمدىكتەر كورسەتىلگەن قىزمەتتەردىڭ ساپاسىن جاقسارتۋعا جانە ەلباسىنىڭ تاپسىرماسىنداعى دەنساۋلىق ساقتاۋ سالاسى مەن ءبىلىم بەرۋدەگى ونىمدىلىككە جەتكىلىكتى نازار اۋدارمايدى. ءبىلىم بەرۋدە بارلىق قاجەتتى زاڭنامالىق بازا قۇرىلدى. ءبىراق بۇرىن جوسپارلانعان كورسەتكىشتەردىڭ ارتتا قالۋى بايقالادى. ماسەلەن، نەگىزگى كاپيتالعا سالىنعان ينۆەستيتسيالار بويىنشا ينديكاتورلاردىڭ تومەندەۋى 10 ايماقتا، اتاپ ايتقاندا استانا قالاسى، ش ق و، ب ق و، اقتوبە، الماتى، جامبىل، قوستاناي، قىزىلوردا، تۇركىستان وبلىستارىندا بەكىتىلىپ وتىر»، - دەدى ول.
ەربولات دوسايەۆ سونداي-اق ساۋدادا اكىمدىكتەر جاڭعىرتۋعا قىزىعۋشىلىق تانىتپايتىنىن اتاپ ءوتتى.
«ماسەلەن، استانا، الماتى، شىمكەنت قالالارىندا جانە الماتى، قىزىلوردا، تۇركىستان، س ق و- داعى نارىقتار مەن بازارلاردى ەگجەي-تەگجەيلى زەردەلەۋ تالاپ ەتىلەدى. بازارلار جاڭا فورماتقا كوشۋ كەرەك. الايدا بۇل باعىتتا ەشقانداي پروگرەستى كورمەي وتىرمىز»، - دەدى ەربولات دوسايەۆ.
