عالىمدار قىسىمدى ءتۇسىرىپ ۇزاق ءومىر ءسۇرۋدىڭ ءادىسىن ايتتى
سونىمەن قاتار ينفاركت پەن ءينسۋلتتىڭ الدىن الىپ، ۇزاق ءومىر سۇرۋگە بولاتىنىن جەتكىزدى.
زەرتتەۋگە سەمىزدىكپەن جانە ارتىق سالماقپەن زارداپ شەگەتىن 129 ەر مەن ايەل قاتىستى. قاتىسۋشىلار 40-80 جاس ارالىعىندا. ولاردىڭ قان قىسىمى 130-160/80-90 م م ارالىعىندا جوعارى بولدى. تەستىلەۋ كەزىندە ءدارى ىشكەن جوق. تەك جارىسى عانا انتيگيپەرتەنزيالىق دارىلەر قابىلدادى.
قاتىسۋشىلار ءۇش توپقا ءبولىندى. ءبىرىنشى توپتاعىلار ءومىر سالتىن وزگەرتىپ، كوكونىس، جەمىستەر، ءسۇتتى تاعامدار جەدى. قىزىل ەت پەن كومىرسۋلاردى ازايتتى. جاتتىعۋ جاساپ، سالماعىن باقىلاۋدا ۇستادى. ەكىنشى توپتاعىلار دۇرىس ديەتا ۇستاندى. ءۇشىنشى توپتاعىلار ءومىر سالتىن وزگەرتكەن جوق.
زەرتتەۋ ناتيجەسىندە ءبىرىنشى توپتاعىلاردىڭ ايتارلىقتاي سالماق تاستاعانى، قان قىسىمى 16/10 م م- گە تۇسكەنى انىقتالدى. ەكىنشى توپتاعىلاردىڭ قان قىسىمى 11/8, ءۇشىنشى توپتاعىلاردىڭ 3/4 م م- گە عانا تۇسكەنى بايقالدى. ءبىرىنشى توپتاعىلاردىڭ 15 پايىزى، ەكىنشى توپتا 23 پايىزى دارىگە مۇقتاج بولدى. ءۇشىنشى توپتا ەشقانداي وزگەرىس بايقالعان جوق.
Stan.kz
