15:48, 11 - قىركۇيەك 2018 | GMT +5
قازاقستاندىق فيلم قازانداعى كينوفەستيۆالدە جەڭىسكە جەتتى
قازان. قازاقپارات - XIV قازان حالىقارالىق كينوفەستيۆالىنىڭ باس جۇلدەسىن («ۇزدىك تولىق مەتراجدى فيلم» نوميناتسياسى) قازاقستاندىق رەجيسسەر ءادىلحان ەرجانوۆتىڭ «لاسكوۆوە بەزرازليچيە ميرا» دراماسى جەڭىپ الدى، دەپ حابارلايدى قازاقپارات.
رەسەيدەگى ق ر ەلشىلىگى حابارلاعانداي، قازاقستان مەن فرانسيانىڭ بىرلەسىپ تۇسىرگەن تەلەتۋىندىسى 2018 -جىلدىڭ مامىرىندا كانن كينوفەستيۆالىندە العاش رەت ۇسىنىلىپ، ونداعان الەمدىك كينوفورۋمنىڭ قازىلار القاسىن ءتانتى ەتكەن بولاتىن.
ءا. ەرجانوۆتىڭ فيلمى قازان كينوفەستيۆالىندە «فەستيۆالدىك ساپاردى» اياقتاپ، 20 - قىركۇيەكتە قازاقستاندا جانە ءبىرقاتار ەۋروپا ەلدەرىندە پروكاتقا شىعادى.
كينوعا سۇلۋ، ءبىراق كەدەي قىز سالتانات پەن قۋاندىقتىڭ ماحابباتى ارقاۋ بولعان. سالتاناتتى داۋلەتتى اعايىنا جىبەرەدى. اعايى ونى بيزنەس سەرىكتەسىنە تۇرمىسقا بەرمەك بولادى. قۋاندىق سۇيىكتىسىنىڭ ارتىنان ۇلكەن قالاعا اتتانادى.
تۋىندىدا باس كەيىپكەرلەردىڭ ۇلكەن قالاداعى قيىندىقتارى بەينەلەنگەن.
