ساعىنتايەۆ: «شىرىلداعان شەگىرتكەدەي» كۇز تۇسكەندە جۇمىسىمىز جۇرمەي قالماسىن
«ءبىرقاتار وڭىرلەردىڭ بايانداماسىن، ەسەبىن تىڭدادىق. تاعى دا قوسىمشا ۋادەلەرىن الدىق. دەگەنمەن، ەلباسىنىڭ تاپسىرماسى بويىنشا ءوسىم 4 پايىزدان ء(جىو كورسەتكىشى - اۆت. ) تومەن بولماۋى كەرەك. 8 ايدىڭ قورىتىندىسى 3,8 پايىزدى كورسەتىپ وتىر. تيمۋر مۇرات ۇلىنىڭ (سۇلەيمەنوۆ - اۆت. ) بايانداماسىندا كورسەتىلگەندەي، جىلدىڭ سوڭىنا دەيىن 4 پايىزبەن اياقتاۋ ءۇشىن ءبىز 4 ايدىڭ كولەمىندە 4,2 پايىزبەن ءوسۋىمىز كەرەك. جۇمىس كۇردەلەندى. بەلگىلى مىسالداعىداي «الا جازداي ءان سالىپ، شىرىلداعان شەگىرتكەدەي» كۇز تۇسكەندە دىرىلدەپ، جۇمىسىمىز جۇرمەي قالىپ جۇرمەسىن. نەگىزگى ماسەلە - تامىز ايىنداعى جۇمىستىڭ جۇرمەۋىندە. بوساڭسىپ كەتتىك. سول سەبەپتەن، ەلباسىنىڭ تاپسىرماسىن ورىنداپ، جىلدى جاقسى كورسەتكىشپەن اياقتاۋ كەرەك»، - دەدى ساعىنتايەۆ بۇگىنگى ۇكىمەت وتىرىسىندا.
ۇكىمەت باسشىسى وسى سەبەپتى ءوڭىر باسشىلارىنا ءمان- جايدى انىقتاپ، جۇمىسىن ءتيىستى دارەجەدە اتقارماعان باسشىلاردىڭ جاۋاپكەرشىلىگىن قاراۋدى تاپسىرلدى.
«قابىلدانعان شارالار مەن تارتىپتىك جازالار تۋرالى اقپارات ءبىر اپتانىڭ ىشىندە پرەمەر- مينيستر كەڭسەسىنە تاپسىرىلاتىن بولسىن. ۇلتتىق ەكونوميكا مينيسترلىگى، مۇددەلى مەملەكەتتىك ورگاندارمەن پرەمەر- ءمينيستردىڭ كەڭسەسىمەن بىرىگە وتىرىپ، مەملەكەتتىك ورگاندار، كۆازيمەملەكەتتىك سەكتور، «اتامەكەنمەن» بىرلەسە وتىرىپ، سەلەكتورلىق كەڭەس وتكىزۋدى تاپسىرامىن»، - دەدى باقىتجان ساعىنتايەۆ.
اۆتور: ايان بەكەن ۇلى
