الماتى وبلىسىندا ەلىمىزدەگى ەڭ ءىرى كۇن ەلەكتر ستانساسى سالىنۋدا
مامانداردىڭ ايتۋىنشا، جوبانىڭ 1- كەزەڭى 2019 -جىلدىڭ I- توقسانىندا، ال 2-كەزەڭى III- توقسانىندا اياقتالىپ، ىسكە قوسىلادى، دەپ حابارلايدى قازاقپارات ءتىلشىسى.
الماتى وبلىسى اكىمىنىڭ باسپا ءسوز قىزمەتىنىڭ مالىمەتىنشە، ورناتىلىپ جاتقان قۇرال- جابدىقتاردىڭ باسىم بولىگى گەرمانيادا وندىرىلگەن. قۇرىلىسقا 500 ادام جۇمىلدىرىلعان. نىسان ىسكە قوسىلعاندا 26 ادام تۇراقتى جۇمىس ورنىمەن قامتاماسىز ەتىلەتىن بولادى.
الماتى وبلىسىندا ەلىمىزدەگى ەڭ ءىرى كۇن ەلەكتر ستانساسى سالىنۋداكۇن ەلەكتر ستانساسىن قاپشاعاي قالاسىنىڭ ماڭىندا، ناقتىلاپ ايتقاندا شەڭگەلدى سەلولىق وكرۋگىنىڭ اۋماعىندا ورنالاستىرۋدىڭ نەگىزگى سەبەبى - ءدال وسى جەردە جىل بويى اشىق، ساۋلەلى اۋا- رايى ساقتالعان.
ءوڭىر باسشىسى اماندىق باتالوۆ وسىنداي كۇشتى كۇن ەلەكتر ستانساسىنىڭ سالىنۋى - وبلىس ءۇشىن ماڭىزى زور جوبا ەكەندىگىن، بۇل بىرىنشىدەن «جاسىل» ەنەرگەتيكانى دامىتسا، ەكىنشىدەن ءوڭىردىڭ ەلەكتر قۋاتىنا دەگەن قاجەتتىلىگىن ازايتۋعا ءوز ىقپالىن تيگىزەتىندىگىن جەتكىزدى.
اۆتور: سامال قابىشيەۆا
