باقىت سۇلتانوۆ استانا اكىمى بولىپ تاعايىندالدى

استانا. قازاقپارات - مەملەكەت باسشىسىنىڭ جارلىعىمەن باقىت تۇرلىحان ۇلى سۇلتانوۆ استانا قالاسىنىڭ اكىمى قىزمەتىنە تاعايىندالدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

باقىت تۇرلىحان ۇلى 1971 -جىلى الماتى قالاسىندا تۋعان. قازاق ۇلتتىق تەحنيكالىق ۋنيۆەرسيتەتىن جانە قازاق مەملەكەتتىك باسقارۋ اكادەمياسىن بىتىرگەن. ماماندىعى ينجەنەر- ەلەكتريك، ەكونوميست.

1994-1997 ج ج. - قازاقستان رەسپۋبليكاسى قارجى مينيسترلىگىنىڭ جەتەكشى ەكونوميسى، مەملەكەتتىك باعالى قاعازدار باسقارماسى باستىعىنىڭ ورىنباسارى - ءبولىم باستىعى.

1996-1997 ج ج. - قازاقستان رەسپۋبليكاسى قارجى مينيسترلىگى جانىنداعى قازىناشىلىق مەملەكەتتىك قارىز جانە كاسسالىق قارجى باسقارماسى باستىعىنىڭ ورىنباسارى.

1997-1998 ج ج. - قازاقستان رەسپۋبليكاسى قارجى مينيسترلىگى بيۋدجەتتىك دەپارتامەنتى ديرەكتورىنىڭ ورىنباسارى، مەملەكەتتىك ساتىپ الۋ جونىندەگى دەپارتامەنت ديرەكتورى.

1998-1999 ج ج. - قازاقستان رەسپۋبليكاسى قارجى مينيسترلىگى قازىناشىلىق دەپارتامەنتى ديرەكتورىنىڭ ورىنباسارى.

1999-2002 ج ج. - قازاقستان رەسپۋبليكاسى قارجى مينيسترلىگى بيۋدجەتتىك دەپارتامەنتى ديرەكتورىنىڭ ورىنباسارى، مەملەكەتتىك بيۋدجەت دەپارتامەنتى ديرەكتورىنىڭ ورىنباسارى، ديرەكتورى.

2002-2003 ج ج. - قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى بيۋدجەتتىك ساياسات دەپارتامەنتىنىڭ ديرەكتورى.

2003-2006 ج ج. - قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ ءمينيسترىنىڭ ورىنباسارى.

2006-2007 ج ج. - قازاقستان رەسپۋبليكاسى ستاتيستيكا جونىندەگى اگەنتتىگىنىڭ ءتوراعاسى، قازاقستان رەسپۋبليكاسى قارجى ءمينيسترىنىڭ ورىنباسارى.

2007-2010 ج ج. - قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ ءمينيسترى.

مەملەكەت باسشىسىنىڭ 2010 -جىلعى ناۋرىزداعى جارلىعىمەن قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالدى.

 2012 -جىلدىڭ قاڭتار- قاراشا ارالىعىندا مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى قىزمەتىن اتقاردى.

2012 -جىلى قاراشاسىنان باستاپ قازىرگە دەيىن ق ر قارجى ءمينيسترى بولىپ قىزمەت اتقاردى.

«قۇرمەت» وردەنىمەن جانە ەكى مەدالمەن ماراپاتتالعان. وتباسىلى، ءۇش بالا تاربيەلەپ وتىر.

 ەسكە سالا كەتسەك، 10 - قىركۇيەكتە ەكى جىلدان استام ۋاقىت بويى استانا قالاسىنىڭ اكىمى بولعان اسەت ورەنتاي ۇلى يسەكەشيەۆ مەملەكەت باسشىسىنىڭ جارلىعىمەن ق ر پرەزيدەنتى اكىمشىلىگىنىڭ باسشىسى قىزمەتىنە تاعايىندالدى.

قازاقستانداعى سوڭعى كادرلىق اۋىس- تۇيىستەر تۋرالى قازاقپارات حالىقارالىق اقپارات اگەنتتىگىنىڭ ارنايى ايدارىنان وقۋعا بولادى.