رەسەي دۇنيەجۇزىلىك سوعىسقا دايىندىقتى باستاپ كەتتى
ناتو ۇيىمى بۇل ارەكەتتى «ءىرى كولەمدەگى قاقتىعىستىڭ» باستاماسى دەپ بولجاۋدا. بۇل تۋرالى segodnya.ua سايتىنا سىلتەمە جاساعان NUR. KZ حابارلايدى.
قىتايلىق جانە موڭعوليالىق ساربازداردىڭ قاتىسۋىمەن بولاتىن «شىعىس-2018» وقۋ باعدارلاماسى 11-17- قىركۇيەك اراسىندا باتىس ءسىبىر مەن رەسەيلىك قيىر شىعىستا وتەدى.
بۇل وقۋلار باتىس ەلدەرىمەن اراداعى قارىم-قاتىناسقا، ۋكراينالىق داعدارىس پەن سيرياداعى قاقتىعىستارعا، سونداي-اق، باتىس ساياساتىنا توقتاۋسىز كىرىسۋگە بايلانىستى ۇيىمداستىرىلماق.
رەسەي اسكەرى بۇل ارەكەتتەرىن «باتىس-1981» وقۋلارىمەن سالىستىرعان. وسىدان 40 جىل بۇرىن بۇل وقۋعا شىعىس ەۋروپاداعى ۆارشاۆا كەلىسىمى بويىنشا 100-150 مىڭ ادام بىرىكتىرىلگەن ەدى.
«بۇل الداعى ۋاقىتتا بولاتىن دۇنيەجۇزىلىك سوعىستىڭ باستاماسى. رەسەي قارۋلى كۇشتەرىنىڭ باس شتابى اتالعان جاعداي 2020-جىلدان كەيىن بولادى دەپ وتىر. بۇل ءىرى سوعىس نەمەسە ايماقتىق قاقتىعىستاردىڭ تىزبەگى بولۋ مۇمكىن. ال قارسىلاس ا ق ش پەن ونىڭ وداقتاس ەلدەرى بولماق»، - دەدى رەسەيلىك اسكەري مامان پاۆەل فەلگەنگاۋەر.
بۇل ويدى ناتو ۇيىمى دا قولداپ وتىر. ولار «شىعىس-2018» وقۋلارى ءىرى قاقتىعىسقا جاسالعان دايىندىقتاردىڭ ءبىرى دەپ توپشىلاۋدا.
