الەمدەگى ەڭ ءدامدى تاعامدار قاتارىنا وزبەك پالاۋى ەندى

 استانا. قازاقپارات - اتاقتى «The Guardian» سايتى الەم ەلدەرىن ارالاپ كوشەدە تەز دايىندالاتىن ەڭ ءدامدى 10 تاماقتىڭ ءتىزىمىن جاسادى.

تىزىمگە وزبەكتەردىڭ ۇلتتىق تاعامى پالاۋ دا ەنىپتى. بۇل تۋرالى سايتتا رەسمي جاريالانعان.

«وزبەكستاندا پالاۋ وشاقتاعى ۇلكەن قازاندا دايىندالادى. نەگىزگى رەتسەپتى كۇرىش، ەت جانە كوكونىستەر. تاشكەنت قالاسىنىڭ ورتالىعىنداعى اسحانالاردىڭ بىرىندە، بىزگە بۇل ءدامدى تاعامدى ۇسىندى. بۇل وزبەكتەردىڭ قوناقجاي، اشىق، اقكوڭىلدىلىگىن بىلدىرەدى»، -  دەلىنگەن رەسمي سايتتا.

ءتىلشىنىڭ پىكىرىنشە، پالاۋ - ەلدەگى كوپ تارالعان، كوشەدە تۇتىناتىن تاعامدار قاتارىنداعى ەڭ تانىمالى. سونداي-اق، ەڭ ءدامدى كوشە تاعامدارى قاتارىنا تايۆان، فرانسيا، سلوۆەنيا، رۋمىنيا، بانگكوك، كامبودجا، كاتماندۋ، مەكسيكا جانە چيلي ەلدەرىندە دايىندالاتىن تاعامدار دا ەنگەن.

Massaget.kz