10:41, 11 - قىركۇيەك 2018 | GMT +5
باقىتجان ساعىنتايەۆ ۇلتتىق ەكونوميكا مينيسترىنە جۇرتقا اقىل ايتپاي، وزىڭىزگە قاراڭىز دەدى
استانا. قازاقپارات - بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر پرەمەر- ءمينيسترى باقىتجان ساعىنتايەۆ ۇلتتىق ەكونوميكا ءمينيسترى تيمۋر سۇلەيمەنوۆتىڭ جۇمىسىن سىنعا الدى، دەپ حابارلايدى قازاقپارات ءتىلشىسى.
«تولىقتاي العاندا وڭىرلەردىڭ كورسەتكىشتەرى قولايلى تەندەنتسيانى ساقتاپ وتىر دەيسىز. ءوندىرىستى قارايتىن بولساڭىز، رەسپۋبليكالىق دەڭگەيدەن 11 ءوڭىر تومەن تۇر. قايدان قولايلى بولماق؟ ارى قاراي قۇرىلىستى قاراڭىز، نەگىزگى كاپيتالعا سالىنعان ينۆەستيتسيانى قاراڭىز. 4 ءوڭىر عانا رەسپۋبليكالىق دەڭگەيدەن جوعارى تۇر. بۇل دەگەن نە؟ ەگەر نەگىزگى كاپيتالعا ينۆەستيتسيا سالىنبايتىن بولسا، وندا ءوندىرىستىڭ دامۋى جوق. قالاي ءسىز ونى قولايلى دەپ ايتاسىز؟ ءبىرىنشى كەزدە وزىڭىزگە قاراۋىڭىز قاجەت. سودان كەيىن بارىپ باسقا جۇرتقا اقىل ايتىڭىز»، - دەدى باقىتجان ساعىنتايەۆ ۇلتتىق ەكونوميكا مينيسترىنە قاراتا.
اۆتور: مارلان جيەمباي
