تاشكەنتتە ارميالىق قويان-قولتىق ۇرىس چەمپيوناتى وتەدى

تاشكەنت. قازاقپارات - وزبەكستان استاناسىندا العاش رەت ت م د مەملەكەتتەرىنىڭ اسكەري قىزمەتشىلەرى اراسىندا ارميالىق قويان-قولتىق ۇرىس بويىنشا چەمپيونات وتەدى، دەپ حابارلايدى قازاقپارات.

سايىسقا قازاقستان، وزبەكستان، رەسەي، قىرعىزستان، تاجىكستان جانە بەلارۋس كوماندالارى مەن تورەشىلەرى قاتىسادى.

«2017-جىلى وزبەكستان ت م د مەملەكەتتەرىنىڭ قورعانىس مينيسترلەرى كەڭەسى جانىنداعى سپورت كوميتەتىنىڭ تولىق قۇقىلى مۇشەسى اتاندى. العاش رەت ارميالىق قويان-قولتىق ۇرىس چەمپيوناتىن وتكىزۋ مارتەبەسى بەرىلىپ وتىر»، - دەپ اتاپ ءوتتى وزبەكستان قورعانىس مينيسترلىگىنىڭ وكىلى ازيز حايداروۆ.

اتالعان چەمپيوناتتا قازاقستان 7 سالماق كاتەگورياسىندا (60 كەلىدەن 90 كەلىگە دەيىن) سايىسقا تۇسەدى. كوماندا قۇرامىندا ت م د چەمپيوناتتارىنىڭ بىرنەشە دۇركىن جەڭىمپازدارى مەن جۇلدەگەرلەرى كىشى سەرجانت ەرزات سەتەربايەۆ پەن قاتارداعى جاۋىنگەر جاسۇلان مۇسىركەنوۆ بار.