الماتىدا «شەبەرلەر ەلى» بايقاۋى ءوتتى
شىعارماشىلىق جارىس ەرەكشە فورماتتا بەس نوميناتسيا بويىنشا ءجۇردى. وسى جىلى ۇيىمداستىرۋشىلار اشىق اسپان استىندا ناعىز ارت- فەستيۆال وتكىزدى.
«شەبەرلەر ەلى» فەستيۆالىنە قازىلار القاسى مۇشەسى رەتىندە ەكىنشى رەت قاتىسىپ وتىرمىن جانە وسى جولى تاڭ قالعانىمدى جاسىرمايمىن. وتكەن جىلى «ەۋرازيالىق توپ» قىزمەتكەرلەرى تالانتتارىمەن، شىعارماشىلىق ويلارىمەن اسەر ەتكەن بولاتىن. وسى جىلى ەكى ەسە تاڭعالدىردى. كەلەسى جولى بۇدان دا اۋقىمدى، بۇدان دا قىزىقتى جۇمىستار بولادى دەپ ۇمىتتەنەمىن» ، - دەيدى قازىلار القاسى مۇشەسى، Salem Social Media باس ديرەكتورى الەكساندر اكسيۋتيتس.
بۇدان بولەك قازىلار القاسى مەن ارت- فەستيۆال قاتىسۋشىلارى ءۇشىن ەۋرازيالىق توپ قىزمەتكەرلەرى اشەكەيلەر دايىنداۋ، ماتاعا باتيك ادىسىمەن سۋرەت سالۋ جانە كيىم تىگۋ بويىنشا تەگىن شەبەرلىك سىنىپتارىن وتكىزدى. فەستيۆال قوناقتارىنا، اسىرەسە، ءدوڭ تاۋ- كەن بايىتۋ كومبيناتىنىڭ قىزمەتكەرى نۇرسۇلتان قاراسارتوۆتىڭ ءۇش تىلدەگى وقۋ كارتالارى ەرەكشە ۇنادى.
«شەبەرلەر ەلىنە» ءبىرىنشى رەت كەلىپ وتىرمىن. جاڭا فورماتقا يە ەرەكشە الاڭ ەكەن. تارتىمدى ادامدار، قىزىق جۇمىستار دا كوپ. بىزدە تەك ءوز ءىسىنىڭ بىلگىرلەرى عانا ەمەس، جان- جاقتى، باسقا سالالارعا دا قىزىعۋشىلىق بىلدىرەتىن جاندار جۇمىس ىستەيدى ەكەن» ، - دەپ اتاپ ءوتتى بايقاۋ قاتىسۋشىلارىنىڭ ءبىرى.
بۇل اتاقتى تالانتتار بايقاۋىن «ەۋرازيالىق توپ» كومپانياسى مىڭداعان ادامنان تۇراتىن ۇجىمى اراسىندا جەتى جىلدان بەرى تۇراقتى ءوتىپ كەلەدى. وسى جىلى قاتىسۋشىلار جۇمىستارىمەن ءداستۇرلى تۇردە تانىسۋدان بولەك فەستيۆال قوناقتارى ءۇشىن Arsen Famo ۇسىناتىن ءساندى كيىم كورسەتىلىمى، تانىمال قازاقستاندىق ءمۇسىنشى ەدۋارد كازارياننىڭ پەرفورمانسى جانە «ارتيشوك» تەاترىنىڭ، Lamp Orchestra مەن Stereo Band توپتارىنىڭ ونەر كورسەتۋلەرى ۇيىمداستىرىلدى.
«كورمە» نوميناتسياسىندا ءبىرىنشى ورىندى «ەۋروازيالىق ەنەرگەتيكالىق كورپوراتسيا» ا ق قىزمەتكەرى كريستينا پارشۋكوۆا، «فوتوسۋرەت» نوميناتسياسىندا كريستينانىڭ ارىپتەسى ەۆگەني نابييەۆ الدى. ال «جارمەڭكە» نوميناتسياسىندا «ە ە ك» ا ق وكىلى تاتيانا كوچۋبەيەۆا ءبىرىنشى ورىننان كورىندى. «ەۋرازيالىق توپ» ج ش س- نىڭ ەكى قىزمەتكەرى ليلياننا سەمبايەۆا مەن گاۋھار جەتپىسبايەۆا «شەبەرلىك سىنىبى» جانە «مەن ديزاينەرمىن» نوميناتسيالارىندا قازىلار القاسىنىڭ ەڭ جوعارى باعاسىنا يە بولدى.
Baq.kz
