قىتايلىق ەڭ باي ادام ءوزىنىڭ كومپانياسىنان كەتەتىنىن جاريا ەتتى
بيزنەسمەننىڭ ايتۋىنشا، كۇندەردىڭ كۇنىندە بيزنەستىڭ سان مىڭداعان شارۋاسىنان باس تارتىپ، ءوزىنىڭ سۇيىكتى شارۋالارىنا ورالۋ - ويىندا بۇرىننان جۇرگەن يدەيا ەكەن.
«ءبىر كۇنى، وتە جاقىندا ءبىلىم سالاسىنا ورالىپ، ۇستازدىق قىزمەتپەن اينالىسا باستايمىن. Alibaba-داعى باسشىلىق قىزمەتكە قاراعاندا، ۇستازدىق ەتۋ مەنىڭ ىڭعايىما كەلىڭكىرەيتىنىنە سەنىمدىمىن» دەپتى ول Bloomberg TV ارناسىنا بەرگەن سۇحباتىندا.
ونىڭ ايتۋىنشا، وسىلاي ءوزىنىڭ ءومىر ارناسىن وزگەرتۋ ءۇشىن ول 2014-جىلى قۇرىلعان Jack Ma Foundation دەپ اتالاتىن قايىرىمدىلىق قورىنىڭ نەگىزىن قالاپتى.
«مەن زەينەتكە شىققان كەزدە ۋاقىتىمنىڭ باسىم بولىگىن وسىنداي يگى ىستەرگە ارناعىم كەلەدى» دەپتى بيزنەسمەن.
ول بۇعان دەيىنگى ءومىر جولىندا اعىلشىن ءتىلى مۇعالىمى بولىپ ەڭبەك ەتكەن. دجەك مانىڭ ايتۋىنشا، Microsoft كومپانياسىنىڭ نەگىزىن قالاۋشى بيلل گەيتستەن شىن مانىندە كوپ نارسە ۇيرەنۋگە بولادى. «وعان قاراعاندا مەنىڭ ءبىر ۇتاتىن تۇسىم - بيزنەستەن ەرتەرەك كەتۋىم» دەگەن ەكەن دجەك ما.
بيزنەسمەن Alibaba.com نەگىزىن ساۋدا الاڭى رەتىندە 1998-جىلى نارىققا شىعاردى. قازىرگى تاڭدا كومپانيانىڭ نارىقتىق قۇنى 400 ميلليارد دوللاردان اسادى. دجەك مانىڭ بايلىعىنىڭ قۇنى Bloomberg Billionaires Index رەيتينگىندە 39,6 ميلليارد دوللارعا باعالانعان.
بۇل كورسەتكىشىمەن ول قىتايداعى ەڭ باي ادام اتانا الادى. ال الەم بويىنشا 19-باي ادام. Alibaba Group كومپانياسى قىتايداعى اسا ءىرى ينتەرنەت كومپانياسى. نەگىزىنەن ەلەكتروندى كوممەرتسيا سالاسىندا جۇمىس ىستەيدى.
اباي ايماعامبەت
«ايقىن»
