ارىستانبەك مۇحامەدي ۇلى وزبەكستانداعى كونە مۋزىكا فەستيۆالىنە قاتىستى
فەستيۆالعا 75 ەلدەن جۇزدەگەن مۋزىكانتتار مەن مىڭداعان تۋريستەر قاتىستى.
«فورۋمنىڭ اشىلۋى سالتاناتىندا وسى شارانىڭ وتۋىنە ىقپالدىق ەتىپ، قولداۋ كورسەتكەن وزبەكستان رەسپۋبليكاسىنىڭ پرەزيدەنتى شاۆكات ميرزييەۆ ءسوز سويلەدى. وزبەك ەلىنىڭ باسشىسى قازاقستانعا دەگەن قۇرمەتىن ايرىقشا اتاپ ءوتتى، جىلى لەبىزى ءۇشىن رياسىز ريزاشىلىعىمدى بىلدىرگىم كەلەدى»، - دەپ جازدى ارىستانبەك مۇحامەدي ۇلى.
«ماكوم ونەرى حالىقارالىق فورۋمى قازىر قىزۋ جۇمىس ۇستىندە. وسى فورۋمنىڭ ەرەكشەلىگىنە اينالعان ماكوم ورىنداۋ - ورتالىق ازيادا كونە زاماندا تۋىنداپ، قازىرگى تاجىكستان مەن وزبەكستان جەرلەرىندە ءارى قاراي دامىپ كەلە جاتقان ءان مەن اسپاپ مۋزىكاسىنىڭ اركەلكى ءتۇرى. ماكوم ادامزاتتىڭ ماتەريالدىق ەمەس مۇراسى تىزىمىنە ەنگەنىن دە ايتا كەتكەن ابزال»، - دەدى ارىستانبەك مۇحامەدي ۇلى.
سونداي- اق ول تۋريستەردى تارتۋدا كورشى ەلدەر مادەنيەتتەرىنىڭ ەتنيكالىق ەرەكشەلىكتەرىن ۇسىنعان.
«بىرنەشە كۇن بۇرىن تۋىسقان قىرعىز حالقى دا جوعارى دەڭگەيدە ۇيىمداستىرعان الەمدىك كوشپەندىلەر ويىندارىنا قاتىستىم، ايتايىن دەگەنىم، شولپان- اتادا دا، شاحريسابزدا دا ءبىزدىڭ ارىپتەستەر تۋريستەردى تارتۋدى بۇكىل الەم ىقىلاس تانىتاتىن ءوز مادەنيەتتەرىنىڭ ەتنيكالىق ەرەكشەلىكتەرى، ورتاازيالىق كولوريتى ارقىلى جول تاپقان.
ماسەلەن، وقساروي الاڭىندا ماكومعا قاتىستى ءتۇرلى كورمەلەر ۇيىمداستىرىلعان، ۇلتتىق اسپاپتار، قولونەر، سۋرەت جانە قولدانبالى ونەر تۋىندىلارى، مۇسىندەر، كىتاپ، البومدار ساتىلۋدا. سونى قىزىعا ارالاپ، ساۋدالاسىپ، جاقىندارىما سىيكادە الىپ، شىعىستىڭ قايتالانباس ەرەكشەلىگىن سەزىندىم. شاحريسابزدىڭ تۋريستىك پوتەنتسيالى ونى سامارقاند، بۇقارا، حيۋا قالالارىنىڭ قاتارىنا جەتكىزەتىنىنە سەنىمدىمىن. ال ءبىز، ارينە، ءبىرتۇتاس ورتاازيالىق تۋريزمنىڭ دامۋىنا مۇددەلىمىز جانە وسى باعىتتاعى جۇمىسىمىزدى ءارى قاراي جالعاستىرامىز!»، - دەدى ارىستانبەك مۇحامەدي ۇلى.
