فيرۋزا شارىپوۆانىڭ تيتۋلدىق جەكپە-جەگىندە مۇرنى سىندى

الماتى. قازاقپارات - قازاقستاندىق بوكسشى فيرۋزا شارىپوۆا رەسەيلىك يۋليا كۋتسەنكوعا قارسى جەكپە-جەكتە جاراقات الدى، دەپ حابارلايدى قازاقپارات ءتىلشىسى.

كاسىپقوي بوكستا ەكى سالماق ساناتىندا ءبىرقاتار بەلدىكتەردىڭ يەسى اتانعان شارىپوۆانىڭ مۇرنى سىندى.

«سپورتشىنىڭ بۇعان دەيىن دە بىرنەشە رەت مۇرنى سىنعان. اتاپ ايتقاندا، 2017-جىلى ناۋرىزدا يۋليا چەرنوبورودوۆاعا قارسى كەزدەسۋ قارساڭىنداڭى سپاررينگتە قاتتى جاراقات الىپ قالعان بولاتىن. چەمپيون قىز سوعان قاراماستان رينگكە شىعىپ، قارسىلاسىن جەڭدى»، - دەپ مالىمدەدى ءشارىپوۆانىڭ باسپا ءسوز قىزمەتىنەن.

ەسكە سالا كەتەيىك، WIBA، WBU، IBO Championship جانە WBC Silver بەلبەۋلەرىنىڭ يەگەرى قازاقستاندىق فيرۋزا شارىپوۆا (8-1، 4 ك و) مەن رەسەيلىك يۋليا كۋتسەنكونىڭ اراسىنداعى جەكپە-جەك وتانداسىمىزدىڭ جەڭىسىمەن اياقتالدى. وسىلايشا، فيرۋزا ءوزىنىڭ تيتۋلدارىن قورعاپ قانا قويماي، جەڭىل سالماقتا WIBA چەمپيونى اتاعىنا يە بولدى. بوكس كەشى 8- قىركۇيەكتە سانكت-پەتەربۋرگتە «A2» ارەناسىندا ءوتتى.

شارىپوۆا ەندىگى كەزدەسۋىن 59 كەلى سالماق ساناتىندا WBC تۇجىرىمى بويىنشا الەم چەمپيونى ەۆا ۆالسترەمعا قارسى وتكىزەدى. شارىپوۆا وسى بەلدىكتىڭ مىندەتتى ۇمىتكەرى بولىپ تابىلادى.